Dotdot-篤篤-min

Dotdot 邊度嚟嘅「德國貨」

我喺德國有自己VAT ID後,一直都有讀者問可以買到啲乜嘢德國嘢,但有一單好奇怪,有人問我買唔買到 Dotdot 篤篤 嘅德國膠原蛋白,我就好奇怪,因為我喺德國,係完全見唔到類似嘅物體,唔好乜嘢都用德國嚟呃人。

Dotdot 喺德國根本搵唔到

好似 Essentiale 健肝素,雖然喺德國遊客唔易搵到佢,但佢確係德國貨,因為Sanofi前身Aventis係德法兩間藥廠(德國Hoechst同法國Rhône-Poulenc,而 Essentiale 係Rhône-Poulenc 喺德國分公司嘅產品,德國佬喺法國中咗伏,被Sanofi用國家力量吞咗間公司係後話)合併而成,而德國 Essentiale 係擺喺 Apotheke (藥劑師藥房)賣,所以喺德國條街唔會隨便搵到Essentiale嚟買,亦都係咁解(當然如果你想搵 Essentiale 其他香港無嘅版本買,可以問我)。但 Dotdot 我喺成個德國啲 Apotheke 網站都搵唔到佢,一般類似Rossmann, DM嘅公司,賣係Doppleherz,如果係 Apotheke 就係 Orthomol ,但一定無Dotdot或者所謂篤篤出聲。如果佢係德國第一位水解膠原蛋白牌子,點解無人喺德國聽過佢個大名。

如果百分百德國製造,咁唔該 Dotdot 出示一下佢係邊間公司同佢代工做,德國好多藥物代工廠,否則德國就唔會一街都係學名藥,啲學名藥賣到平一平,就算好似Sandoz AG(即係Novartis)一類大公司,都會玩判上判,再外判俾另一間公司做,如果可以講到佢邊間德國公司做,至少喺製造方面透明一啲,喺製造方面大家信佢係德國監管。

但成個 Dotdot 最令我起疑係,因為佢間公司創辦人係一個叫 Danny Tsang嘅香港人,跟住成間公司嘅口號,充滿一陣德國公司唔應該有嘅中國民族主義味,乜嘢愛健康中國人,真係聽到都毛管戙,正係有人問我發生乜嘢事,我仲故意查晒德國各大Apotheke,我想知吓,究竟 Dotdot 係邊個人搞出嚟。

發表迴響

你的電子郵件位址並不會被公開。 必要欄位標記為 *