警民大戰-min

旺角站 警民大戰 :點解警察無人同情

旺角站今日又發生 警民大戰 ,不過唔係香港年青人對香港警察,而係中國遊客對香港警察,面對中國遊客,又唔噴胡椒噴霧,又唔用警棍打頭,只係敢打腿,仲要警棍甩埋手,梗係最後被人笑到面都黃,喺香港無人同情事發嘅警察。

警民大戰 點解無人幫警察

如果平日香港警察係跟正《警察通例》做嘢,唔會亂對示威者噴胡椒噴霧,唔會亂咁打示威者個頭,平日又唔會有一堆黑警犯法,跟住又唔會成個X你老母飛出嚟對市民,呢單掟水樽事件,一早有市民協助執法,制服果個中國遊客,仲會有人掟樽?掟佢個頭咩。依家香港人選擇做花生友,因為平日香港警察同有牌爛仔無異,對住香港人咁凶狠,正宗殖民地警察,當香港人係二等公民,結果咪俾你班成日話極愛中國,喺旺角成堆大媽擾民都唔郁嘅香港警察,試吓咩嘢味道囉,依家呢班中國人,係真係辱警,要求立辱警罪啲仆街,依家堅有人襲警,仲唔嚴懲呢啲中國凶徒,警察員佐級協會去咗邊?死咗喇,對住黃偉綸就大大聲,對啲真係襲警嘅中國人,就一句聲都無出。

我可以咁講,呢啲案件只會有多無少,因為中國經濟越嚟越差,成班友會落嚟做世界,加上啲五毛睇得環球時報太多,以為中國真係厲害了,可以當香港警察無到,所以中國人不斷襲警,但有林鄭月娥呢啲Quisling執政,你差佬敢還拖,你班差佬咁高人工,原來係做中國人嘅沙包,無錯,就係做中國人嘅沙包,而且我可以肯定,香港人會袖手旁觀,睇住警察被打睇得好開心,大家喺度食花生,大家完全唔會俾任何同情。

警察如果想日後 警民大戰 有人幫,可以點,向香港人道歉,就過去嘅示威亂打香港人道歉,做效忠香港人嘅警隊,並且對果啲犯法嘅警員採取嚴厲嘅譴責態度,咁樣日後如果再有 警民大戰 或者仲有得救,否則你班友只會睇住自己被打果陣,成班市民喺度恥笑你,仲要喺網上都有大把人恥笑你,之前員佐級協會仲好威迫黃偉綸道歉喎,依家咪現眼報囉,呢啲報應,係點拜關公都無用,關公係會照住忠於正義一邊嘅人,唔係照住啲黑白不分嘅所謂香港警察。

發表迴響

你的電子郵件位址並不會被公開。 必要欄位標記為 *