人民幣

人民幣 係咁跌:泡沫將爆

人民幣 設計得似陰司紙,但價值依家都未變陰司紙,但遲多陣真係好難講,喺Trump指 人民幣 匯價好似石頭咁跌落嚟後, 人民幣 官方牌價即跌605點子,睇嚟有可能挑戰100港元兌90人民幣呢個心理關口,甚至有可能好快,因大量人民幣流入嘅泡沫,即將會玩完。

人民幣 快變陰司紙

貨幣呢家嘢,支持基礎不外乎兩樣,一樣係外匯同黃金儲備,一樣係果個國家整體經濟實力,大家要記住,貨幣本質就係借據,係將啲借據周圍走,去做到所謂金融流動。依家中國不斷走資,外匯流失好明顯,黃金儲備剩幾多無人知,咁就剩番經濟力量去支撐人民幣,但依家美中貿易戰嘅打法係,美國根本上唔會俾中國有外匯流入,中國又唔係美國,自己嘅經濟實力強到美債本身即係貨幣基礎(其實美國都有一定黃金儲值做底,否則邊個信美國聯邦儲備局嘅銀紙同債券至得,金本位無錯無晒,但金本位嘅殘餘係存在),所以依家 人民幣 果種跌,唔係官方為咗彌補貿易戰關稅損失果種跌,而係人人對 人民幣 無信心,個個雞咁腳咁走。

由於人民幣匯價係咁跌,所以唔會再有中國人攞人民幣買香港資產呢枝歌唱,但港幣兌人民幣匯價會升,因為中國人會借買入港幣,作為最終變成美金、歐元、日圓或英鎊嘅中介貨幣,特別係美金,因為香港同美國之間聯繫匯率未死,但好快會出現大量港幣拋售要換成美金,屆時香港聯繫匯率仲存唔存在都成問題,所以我忠告係,趁依家聯繫匯率健在,以一個人120000港元作為基數,持有一定美金現鈔,但最好係最新一版嘅美金現鈔,因為美金成日換版本,去到外國因美金太舊拒收就無謂。同埋要開始有買小夾萬嘅覺悟,因為當民眾越嚟越多持美金現鈔,實會有賊出現,爆竊案會開始多,特別中國經濟出問題果陣,你估中國嚟啲賊唔會落嚟做世界呀。

如果可以買實金,都買實金,但前提係,你有能力驗到啲金嘅真假,否則美金好過黃金。唔好存錢喺銀行外匯戶口,你要存錢海外,不如喺歐盟國家開個銀行戶口好過,如果你係BNO/BC/葡國護照持有人,香港?太牙煙啩。

發表迴響

你的電子郵件位址並不會被公開。 必要欄位標記為 *