brexit

BREXIT no-deal會係點

英國政界依家陸續放假,當然 BREXIT 大戰當前,大家可以喺歐洲抖一至兩個禮拜,就已經準備打大仗。而 BREXIT no-deal可能會大亂,究竟 BREXIT no-deal會係點,越嚟越引起各方關注,因為真係唔知點。

BREXIT no-deal會係點?

有啲扮好熟英國或歐洲嘅白痴,講到坐定粒六 BREXIT 會有deal,我身為保守黨員睇法係唔同,作為一個基層黨員,住喺歐洲嘅基層黨員,我睇到兩股張力喺度拉扯,一班係Rees-Mogg為首嘅European Research Group呢班不負責任政棍,佢地係唔在乎no-deal,只要 BREXIT 到,佢地以為可以單憑英國能力解決一切問題,呢啲人唔好話European,連American都唔曉。另一班係法國佬,對法國人嚟講,佢地可以乘機搶英國唔少嘢,無論係人、金融機構、商業機構等等,因為英國除咗愛爾蘭同荷蘭,最大可能搬過去嘅國家,就係法國。所以法國亦係依家準備硬 BREXIT 後嘅世界,同德國立場係唔同。有人話德國可以受益於 BREXIT ,但以英國人性格,好多人面對德國人果種性格就會適應不良,所以容忍一定玩膠空間嘅法國,反而係比較合英國人脾胃。

BREXIT no-deal對我無嘢,因為好大機會EU將喺歐洲嘅英國人全數吸收,EU人居英人數,遠多於英國人居歐嘅人,對我嚟講,我唔介意做歐洲人,我無乜大所謂。但英國經濟,好大機會受到沉重打擊,特別大公司好似Vodafone、RB等等,其實同歐洲係黐到實一實,佢地係承受唔起脫離單一市場嘅代價,喺英國大公司裡面,係HSBC因為本來就以香港為家,所以佢地亞洲區特強,但歐陸就好弱,弱到Dusseldorf有一堆HSBC員工,但係無零售銀行嘅部分,但歐陸唔強嘅HSBC,都打算一旦 BREXIT 就將總部搬到巴黎,搞得唔好匯豐就變一間法國銀行(反正HSBC UK Ringfencing咗,反而方便做嘢),你話 BREXIT 唔打擊經濟, Rees-Mogg呢班仆街屆時返去咬手指吧。

發表迴響

你的電子郵件位址並不會被公開。 必要欄位標記為 *