香港奧委會-min

香港奧委會 係唔係因政治理由唔俾郭家輝入港隊

亞運下個月舉行,但 香港奧委會 喺泳隊人選果度出現不公事件,最快嘅郭家輝,入唔到港隊。其實游泳比賽嘅要求好簡單啫,參加過指定世界賽,邊個成績最好就派邊個去,有乜好拗。當然有人睇係泳會之爭,但我依家睇,呢單嘢同台中無喇喇無咗東亞青年運動會主辦權單嘢有關,隨時係中聯辦班仆街指令 香港奧委會 咁做,特別 香港奧委會 一向都盛產港奸。

香港奧委會 嘅決定一啲合理性都無

大家先睇蘋果日報呢篇報導,同埋以下呢幅圖:

香港奧委會-min
香港奧委會-min

2017年世大運主辦城市係邊個,無錯,係台灣,仲要蔡英文做總統時期﹐柯文哲做市長嘅台北,所以我相信郭家輝入唔到港隊,因為佢參加過世大運,而呢個,係同唔俾台中做東亞青年運動會主辦城市邏輯係一樣,果件胡鬧事件, 香港奧委會 班仆街,走去投票支持中國嘅無理要求,大家都知道, 香港奧委會 會長果條友叫霍震霆,佢呢啲友仔主政嘅 香港奧委會 ,跟住有幾件仆街到無朋友嘅左仔,例如貝鈞奇,仲有霍震霆個仔霍啟剛,跟住仲有王敏超(王敏超雖然都係運動員出身,佢好過佢個兄弟王敏剛,王敏剛簡直係仆街中嘅XO)。你話呢個會唔會聽中聯辦點,無乜可能喇。所以泳總係唔可能解釋到點解唔可以報多個人去游解決呢個爭議,唯一解釋就係,游過台北世大運都係要仆街。

當然有人認為我講得政治化,以 香港奧委會 一向嘅管治水平,呢啲政治化到爆嘅情況有乜出奇,體育一向係中共嘅政治工具,當初邊個講政治無關體育,特別2008年北京奧運期間講果班仆街,依家喺台中果件事,全部走鬼晒去邊?中國人鍾意打飛機唔講道理大X晒?當中共一向都係做嘢政治化果陣,郭家輝事件係一件政治事件,亦都係合理合情。你話足球隊搵邊個國腳參賽,好大程度上係教練嘅個人判斷,無乜數據可以跟,但游泳比賽派邊個入去,泳總一早有晒標準,有客觀數據做決定都可以出事,除咗政治理由,真係唔知仲有乜可以出事嘅理由,證明香港被中共管治之下,整個制度出現系統性腐敗,真係要執番好佢都唔係一件容易嘅事,中共嘅破壞力真係舉世無匹。

發表迴響

你的電子郵件位址並不會被公開。 必要欄位標記為 *