臉書科技-Facebook-min

Facebook 投共又衰咗:臉書科技登記都無埋

Facebook 時時刻刻賣想屎忽,呢個一早唔係秘密,而前日話 Facebook Hong Kong Limited 全資擁有嘅臉書科技成功註冊,啲人仲以為 Facebook 好成功咁賣咗屎忽,可以進軍中國市場。點知好快註冊註銷,再加上 Facebook 業績下跌,唔知 Zuckerberg點同股東交代。

Facebook 點賣屎忽都入唔到中國

好多西方國家嘅商人,都係對中國呢個國家過於天真,成日以為肯叩頭,做中共隻狗就可以入中國市場。但現實係,中國搞政治審查之餘,兼且搞保護主義,中國係利用 Facebook 想賣屎忽嘅心理,將大量中共人員混入其中,中共高幹子弟可以乘機賺一筆,兼可以偷資料同鎮壓海外異見人士言論,但對中共嚟講,只有馬化騰同馬雲算係自己人,所以佢地係 Facebook 點投共都唔會俾佢入嚟,因為中共唔容許有人可以威脅呢啲可以百分百控制自己友嘅財路,Zuckerberg仲話識中文,我真係只能講,佢對中國嘅認識只不過係識條毛嘅地步。

Facebook 真係要進入中國市場,唔係做投共嘅生意,係倒轉嚟,爭取真係翻到牆嘅人嘅生意,因為佢地有啲見識同品味,至少廣告都可以賣貴少少,ban晒啲五毛戶口,並且炒晒依家班中國人,反而有機會爭取更多中國人翻牆用 Facebook ,資訊自由對中國始終有啲價,否則真係唔知原來中國啲疫苗咁黑暗,知少好多世事。依家持續投共,不單輸咗成個中國市場,基本上台灣市場同香港市場都唔會保得住,你覺得果件陳澍果種上海式油頭粉面,係可以幫 Facebook 拉到生意呀,大佬,第一日識滬港小生喺南華早報嘅表現咩。

都係果句,依家 Facebook 成間公司,個行事邏輯都好有問題,唔只啲coding有問題(其實Facebook啲Code係寫得好差,Google喺Javascript上退步咗仍然好過Facebook),係成日以為用啲仆街做生意係無問題,時代已經變緊, Facebook 股價一夜蒸發四分一,仲以為可以靠中國市場支撐股價呀,發夢喇。

發表迴響

你的電子郵件位址並不會被公開。 必要欄位標記為 *