美國駐華大使館-恐襲-min

美國駐華大使館 恐襲事件:拳亂再起

美國駐華大使館 ,相信係世上少數無人諗到會發生恐襲嘅地方,因為中國政府斷估唔會俾拉登班友搞炸彈襲擊,但今日始終發生咗恐襲,有中國人掟土製彈入 美國駐華大使館 ,雖然襲擊好騎呢,放炸彈果條友最後炸傷咗自己,但呢單嘢仍然非同小可。

美國駐華大使館 與拳亂

大家要知道,由大清帝國至今,中國都有一個好壞嘅傳統,就係內政或外交搞唔掂果陣,就訴諸不答符文明標準嘅一啲打家劫舍行為,由1899年嘅義和拳亂,1966年-1976年期間嘅文革都係咁,依家都一樣,無論係中國政府指派人去搞呢啲襲擊,定係果啲自帶五已經真係黐咗線,走去自製炸彈「報國」,一如當年拳和拳民,其實罪魁禍首都係中國共產黨,而呢啲事情,西方國家並唔會唔知嘅。

如果呢次係中國政府有人立心想玩小學雞式宣戰,固然係重大警號,其實呢種時勢唔著草都唔得,如果係自帶五,情況將會更煩,即係表示自帶五已經係一種失咗控嘅群體,如果扶清滅洋嘅愚昧思維無法得到宣洩,一係出現針對外國人,甚至一般人嘅恐襲事件,中國雞犬不寧,一係中國政府鎮壓呢班自帶五,最後呢班自帶五搞出亂事出嚟,屆時上台係一班更癲嘅人,你唔走都唔得,一係中國政府包庇呢班自帶五,最後係各國聯軍圍剿中國,是但一樣都唔會係乜嘢好嘢嚟。

所以五毛係要清理嘅垃圾,呢個為咗人類和平都要做,因為啲人以為五毛係做戲,收錢嘅五毛或者係,但自帶五係一啲會暴走嘅不受控制群體。依家香港班友,土共本來就係自帶五,佢地暴走緊唔駛講,跟住啲跟開英國人搵食嘅香港人,對中國國情毫不認識,走去一手揸外國護照跟住學人做自帶五,裡外不是人,不單死得最慘,而且累街坊,因為西方國家隨時好似當對住二次大戰果陣日裔美國人咁對香港人,屆時真係多得呢班友唔少。

總之,拳亂再起已經唔係乜嘢怪事,特別依家關於習近平政變傳聞滿天飛之際,其實我一直叫人走,或幫人走,但有啲人渣,自己做中共走狗去咗西方國家仲要阻人走,呢啲友仔我係走到天腳底都唔會同佢客氣。 美國駐華大使館 呢件事只不過係開始。

發表迴響

你的電子郵件位址並不會被公開。 必要欄位標記為 *