人民幣-邵國偉-min

邵國偉 將港紙嘅品味搞到人民幣咁款

新嘅港紙鈔票設計被人鬧爆唔駛講,只不過中銀香港果堆銀紙情況最惡劣,品味差到離晒大譜,同人民幣十分之相似,依家謎底揭開,真係由人民幣嘅設計師 邵國偉 設計,好心中銀香港自己喺香港請設計師喇,請 邵國偉 設計陰司紙出嚟,搵鬼用。

邵國偉 根本係品味有問題

本來共產國家啲紙幣設計品味都係有問題,簡單嚟講,果啲由俄國發展出嚟嘅劣質品味都係差,但人民幣係最差嘅一張,重災區正正係一百蚊紙。恕我直言,人民幣歷年以嚟,最靚可能係中共啱啱奪權果陣,仲係有民國風味果啲人民幣,去到第四代人民幣已經係一大陣共產味,只不過,果啲共產味都係同歐洲果套相近,依家行緊果套第五代人民幣,即係土豪金人民幣,就真係成個陰司紙咁,一百蚊情況尤其惡劣,真係去到北韓水平,中銀香港竟然搵佢嚟設計紙幣,不如你成套電版交俾中國,然後由得佢地班友亂印。

由 邵國偉 設計人民幣,不單有品味問題,搞到中銀香港啲紙幣大家有厭惡感,仲有係保安問題,以依家中國嘅經濟情況,會唔會有人知道晒中銀香港紙幣啲特徵後,印一堆同真嘅一樣紙幣,之後大量流入市面,呢啲紙幣隨時搞亂成個金融市場,如果中銀香港新一輯紙幣又有鑊氣,我一啲都唔意外,因為搵得中國人設計銀紙,就會有問題,如果你俾我,我依家就講明,一千蚊、五百蚊2018年版中銀銀紙一律拒收,你要我收,一係你自己去銀行換,一係你自己喺銀行入落我戶口,咁可能有得傾嘅。因為依家不單係品味問題,仲有保安問題,我聽完成件事後,感覺係十分之不安。

中銀香港如果係仲知尊重香港人,2018年呢套港紙唔要佢算吧,搵過香港設計師重新設計過好過,只不過,依家咁嘅情況,大家真係只會當中銀香港嘅銀紙係另一種人民幣咁用,大家日後收到錢,最好認真check清楚,同埋,如果突然間一街都係中銀銀紙,中銀香港印嘅數目係唔尋常咁多,大家揸一手都係新款中銀銀紙,咁大家係時候小心啲,喺支爆緊嘅時勢,乜嘢怪事都會發生,包括有人為咗換外匯,濫用香港嘅聯繫匯率制度漏洞做嘢。

發表迴響

你的電子郵件位址並不會被公開。 必要欄位標記為 *