鈔票

鈔票 嘅政治

2018年新版港幣 鈔票 有幾咁核突,唔駛我再三覆述,真係我只能講,我好彩唔駛日日對住呢啲唔知係陰司紙定係真銀紙嘅所謂 鈔票 。只不過,香港 鈔票 嘅主題空泛,亦都反映咗,中國刻意唔俾香港作為一個嘅國家,只有獨立,至可以講靚嘅 鈔票 。

鈔票 係國家象徵

鈔票 係國家象徵,呢個係無可置疑,大家睇吓英鎊就明,正面係君主頭像,後面係英國歷史有名嘅人,依家Series F(20, 50鎊),同Series G(5鎊, 10鎊),都係歷史名人,20鎊係經濟學開山老祖阿當史密斯,50鎊係瓦特同博爾頓(工業革命兩大奠基人),5鎊係戰時首相邱吉爾,10鎊係文學家Jane Austen(傲慢與偏見你無理由唔知),仲要每張銀紙都有印相關人物嘅名句,所以銀紙本身就係歷史堂。依家有人想刻摧毀香港歷史同文化,所以咪印到 鈔票 似陰司紙,對香港重大歷史隻字不提,果啲所謂香港文化嘢,真係完全離地到一個點。

其實我討論過唔少次,香港 鈔票 上應該印有嘅人物,我依家索性整理個表出嚟,呢個表,應該好清楚講明發生乜嘢事

面額人物事件
10麥理浩香港公共房屋
20李麗珊奧運金牌,香港旗飄揚
50黃家駒Beyond,海闊天空
100奧士本香港保衛戰
500彭定康香港民主化,定康之治
1000高錕教授光導纖維,諾貝爾獎

其中100蚊紙,因為傳統係紅色,所以我揀奧士本,紀念呢位為香港捨生取義嘅軍人。正如20蚊紙係李麗珊,因為20蚊係藍色,代表係海。而高錕教授,香港人簡直欠佢一個應有嘅紀念,無光導纖維,真係網都唔駛上,仲要佢係真係返過嚟香港,並且擔任香港中文大學校長,所以印佢都應該。至於孫中山,呢個人個頭像都係留番俾中國人自己去決定,香港 鈔票 唔應該印有孫中山頭像,但如果偶一為之,發行紀念郵票就無乜所謂,畢竟孫中山真係香港大學嘅校友,雖然我對呢條友係好多保留。

鈔票 係政治,歐羅好難設計得好,因為佢係咁多國嘅聯合貨幣,必須政治中立,結果係設計一啲特色同歷史教育意義都無,大家儲歐羅紀念鈔票(無面值果啲,我都會攞啲嚟賣),同埋反而變咗歐羅硬幣有趣好多(歐羅硬幣背面基本上係由負責發行國家自己決定,成日有驚喜), 鈔票 就係政治,呢個大家要認知得十分之清楚。

發表迴響

你的電子郵件位址並不會被公開。 必要欄位標記為 *