寮國水壩-min

寮國水壩 崩堤:一帶一路認屎認屁去晒邊

由南韓財團 SK集團投資嘅 寮國水壩 崩堤,死傷慘重,你講緊五十億噸水跌落嚟,真係同海嘯差唔多。南韓啲建築公司草菅人命,大家都見識過,百貨公司成座倒塌嘅事件都發生過,所以南韓佬,特別啲財閥搵銀嘅方式都係要丙。只不過,攞威就一帶一路嘅梁振英,唔知佢點睇呢單由國際大公司香港分公司做主技術顧問嘅 寮國水壩 崩堤事件,佢有乜回應咁?

寮國水壩 主技術顧問係乜水呢?

以下截圖,係嚟自一帶一路政府網頁,條link係:http://www.beltandroad.gov.hk/compendium_sc.pdf

寮國水壩-min
寮國水壩-min

嗱,呢啲係一帶一路認屎認屁證據,如果呢單嘢係設計失誤或監督失誤導致,呢啲顧問就真係仆街到無朋友,唔知,政府會唔會將呢份pdf人間蒸發咁,你都知一帶一路係梁振英重點認屎認屁工程之一。

不過,有事出嚟攞威,出咗事死咗人就潛水嘅仆街,點只土共,仲有中國啲工程公司,中國傳媒報導呢單人禍,一嘢推落南韓公司擁有同承建,好似一啲都唔關中國人事咁,呢個叫 Xe Pian–Xe Namnoy 嘅水壩,仲有以下中國公司有份參與,之前都耀武揚威,覺得自己好掂,我想知道呢堆公司,今時今日會點睇呢單工程,定係衰咗立即刪晒啲網頁算數。

寮國水壩-2-min
寮國水壩-2-min
寮國水壩-3-min寮國水壩-3-min
寮國水壩-3-min

依家都好明顯吓,就係中國同SK集團都好老友,大家都夾埋攞咗唔少project玩,依家 寮國水壩 出咗事,無論南韓定中國,諗住點對住咁多人命負責,呢單嘢仆街程度,都唔比世越號果單嚟得差。

其實南韓嘅問題,同中國嘅問題都係一樣,當然我對南韓足球有自己睇法,但南韓啲工程偷工減料同貪污傳統,絕對係同中國有得揮,兩國合一仲唔帶嚟大災難先怪。大家睇到依家 寮國水壩 咁,唔知大家仲有無膽搭沙中線。其實 寮國水壩 未完工,只不過提早四個月注水蓄洪,都可以搞到咁大劑,嘩沙中線果啲車站,你敢坐,你唔驚坐坐吓被活埋。未來沙中線同高鐵啲工程水準有幾高,有幾安全,其實諗吓寮國發生緊乜事就明喇。

發表迴響

你的電子郵件位址並不會被公開。 必要欄位標記為 *