brexit

BREXIT 任何關於兩地公民居留同國籍安排都係未落實

BREXIT 後關於英國國民(呢度包BC(但Isle of Man同Channel Islands有Non-EU印嘅唔包), BNO, BOTC-直布羅陀, BS with ROA)居歐安排,以及歐盟公民喺英國嘅安排,開始有draft俾大家睇,但有人狗衝以為果啲國會未過嘅草案就係日後 BREXIT 後安排,然後急急叫啲同鄉嚟,呢啲弱智人士,仲有網媒俾佢寫文,簡直係天大笑話。 BREXIT 後啲居留安排點搞,係完全未落實。

BREXIT 隨時no deal收場

關於 BREXIT 後BC或BNO可以點,我會員版慢慢講,我今日會講,但無論英國offer俾EU Citizen,定個別EU國家開始offer俾British National,果啲草案都係一個條件,就係Withdrawal Agreement傾得成,如果Withdrawal Agreement過唔到國會,跟住no-deal之後會點,我都唔敢保證班BREXITER唔會發癲,立即喺成班EU Citizen頭上impose Immigration Act 1971果啲Immigration Control,或者EU攞啲英國國民做人質,送晒佢地返倫敦或直布羅陀,成件事膠力無限,點可以唔負責任到,依家叫晒啲同鄉過嚟,有啲熱普城相熟嘅走狗,簡直係黐線中嘅黐線。

在歐英國人,一般對 BREXIT 係一肚氣,無錯,喺政治上,我相信EU可能用極優厚條款,食晒在歐嘅英國國民算數,特別係德法兩國,反正英國有重大損失,唔係英法兩國,但係法律問題唔可以咁賭。而喺英國嘅EU Citizen,就更加唔駛講,否則羅馬尼亞、保加利亞果啲勞工,點解今年索性唔嚟英國,搞到英國嘅農場人手短缺,甚至Michael Gove想引入烏克蘭人(呢個idea,我真係唔知係唔係有人想增加英國生育率諗出嚟),所以, BREXIT 依家兩地公民之後居留同國籍安排都未落實,依家太早落定論,只係反映有啲人叻唔切,知少少扮代表,你聽呢啲人講過嚟英國住,我祝你好運囉。

發表迴響

你的電子郵件位址並不會被公開。 必要欄位標記為 *