BNO-續期

關於 BNO 一啲「新聞」與「舊聞」

我喺歐洲做嘢一朝早起身,有兩單同 BNO 有關嘅嘢彈出嚟,一單係南華早報報嘅新解密文件內容,一單係有茂利竟然幫人續期 BNO 賺人五舊水,兩件事,我都覺得有責任第一時間去講嘅,一單係「新聞」,一單我叫「舊聞」。

BNO 續期收費係可能違法

有件叫Susan Lee嘅英國國籍「顧問」,收人五舊水幫人續 BNO ,簡直瘋狂,我十分之懷疑係學咗啤梨晚報果班茂利嘅玩法,就係收錢幫人做 BNO Countersign,我呢樣嘢可以再講明先,收人錢幫人做 Countersign 係犯法,呢啲錢賺嚟搏拉,其實英國對 BNO 或BC Countersign 嘅職業要求已經十分之寬鬆,我唔知果件 Susan Lee 叫乜水,但如果有人知佢乜水,記得話我聽。續期 BNO ,唔駛搵乜嘢移民顧問(我對移民顧問係十分之唔客氣,呢啲成日ban廣告),嚟嚟去去出問題嘅位,都係 Countersign ,睇清楚 Countersign 職業要求,同埋如果你搵唔到合職業要求嘅人,內政部係可以酌情處理嘅,但原則係簽果個仍然係 BC 或 BNO 。

跟住係SCMP關於澳門同英籍問題嘅密件,其實佢係同今年4月果批密件係有啲關係,果陣果堆文件已經有提過吓澳門,果部分,我費時令五毛收到維穩費做生意,會員版同BNO密件解讀版,係唔同嘅文,分別喺香港時間晚上出,果陣你會大致知道發生乜事,新嘅文,我唔會獨立拆開一篇篇收費,因為做成好大嘅行政負擔,根本我一個人係做唔掂咁多嘢嘅。

當時英國要求葡國收緊澳門葡籍人士資格,當然立心可能不良,因為有部分香港人確係因此攞到居留英國嘅權利,雖然呢項權利,有可能隨住BREXIT,新人無法再行使。但澳門政府都應該知道,有幾多澳門華裔葡籍人士係投共,或者涉及幫會活動,根本係保安大患嚟嘅,而相信呢度嘅讀者,都會認為當時英國人,並非完全無先見之明,而澳門治安搞到一鑊泡咁,相信英國人一早就知,葡國管治澳門水準有幾好,大家係有眼見,特別康乃馨革命後嘅葡國,左翼當政,根本係無心管治殖民地。其他有關果份嘢啲嘢,我費時喺公海講,但我對英國人當年嘅做法,我有部分諒解嘅地方。

發表迴響

你的電子郵件位址並不會被公開。 必要欄位標記為 *