訂閱費-訂閱模式

連肥佬黎都要講 訂閱模式 果陣

星期一肥佬黎突然要講 訂閱模式 果陣,好多壹傳媒中高層都唔知乜嘢事,我唔係壹傳媒嘅人,但我知乜事,我搞咗 訂閱模式 或者會員制廿三日,我都大概知道個時勢變化,只不過我身輕如燕,都要諗咗一段時間至行動(你搞得會員制,保安等要做多唔少嘢)。

訂閱模式 壹傳媒準備好未

香港過往果啲所謂 訂閱模式 ,唔係每個月月費貴到搶錢級(我訂呢個月費,係用中環區一餐飯買一個月content計,呢個係好典型西方或日本嘅定價模式),就係有人用爛咗課金呢兩個字。所以肥佬黎如想訂閱模式成功,係唔可能收得太貴,否則搵鬼睬你,呢個係現實。紐約時報、同埋The Times嘅Digital Access個價錢,都係十分之公道。我訂咁多嘢,最貴係金融時報,但扣咗VAT後,其實都平過我走去買份金融時報。

但如果你行得 訂閱模式 ,你啲內容水準大家就要求係俾咗錢嘅水平,所以我行 訂閱模式 最大壓力係,我嘅Research能力支唔支持到,畢竟我係一個人單刀匹馬,而初期我未去到可以請助手做研究嘅地步,只不過依家蘋果啲內容,大家會唔會磅水買?我會睇廣告,因為佢地都要開飯,但要我訂,係一定會諗過先,因為唔知你 訂閱模式 會有乜嘢更Premium嘅嘢。而近年蘋果嘅編採水平,我真係只能講,如果你想行 訂閱模式 ,你可能炒咗個老總先會有效啲,因為佢並唔係行一個大家會願意磅水嘅編採方向。

毫無疑問,如果你間傳媒,唔想靠維穩費食飯,陳浩天有幾多條女都可以攞嚟做頭條都攞嚟炒咁白痴(文匯報係咪想講搞港獨就脫毒,大把毒撚衝出嚟爭住做陳浩天,蠢材!叫強力部門捉咗文匯報啲白痴上北京洗頭吧),係一定要行 訂閱模式 , 訂閱模式 至可以避免果啲迷戀fake news嘅白痴搞臭你個傳媒,問題係,呢個係做少數人市場,好似我做 訂閱模式 ,我唔會樂觀到認為可以做到上萬訂戶,呢個一定係少數人市場,問題係,少數人市場,真係肥佬黎擅長嘅嘢,呢方面,我自己係有少少懷疑。

另:第一百位訂戶,我會有份小禮品致贈,記得填正確地址。

發表迴響

你的電子郵件位址並不會被公開。 必要欄位標記為 *