饒毅-簽證-min

饒毅 拒簽係警告五毛

有件五毛,叫做 饒毅 ,當年大大聲退出美國國籍,喺2016年同今年被美國拒簽,就大大聲鬧美國人。其實奧巴馬年代後期,已經開始對五毛唔客氣,只不過 饒毅 被拒簽只係第一波,如果日後多咗特區護照嘅人被拒簽,或者有人做咗五毛,連綠咭都被註銷,我一啲都唔意外,因為美國人並唔係蠢。

饒毅 呢啲係自己攞嚟

首先,退出美國國籍嘅人,返美國攞簽證本來難度係高啲,因為美國政府比較有理由相信,你會意圖留低。美國嘅簽證政策邏輯好簡單,就係你有無誘因留低,所以供緊樓批出簽證機會好大,住喺發達國家批出簽證機會好大,甚至後來整咗VWP出嚟,而加拿大、百慕達(百慕達嘅BOTC係比BC仲勁,BC喺百慕達逾期居留被deport嘅case都有)呢啲直頭完全免簽就係咁解。

而 饒毅 呢啲五毛,就更加之抵死有餘,你估美國政府會唔會攞你啲data,分析你平日喺social media嘅行為,梗係會喇,因為回教恐怖分子就係喺social media度招兵買馬,而依家美中關係日益惡化之際,果啲大大聲講嘢嘅五毛,依家咪抽一兩件嚟嚇吓人,我估香港如果有五毛被禁入境,可能都係先由持特區護照果批先,亦係咁解,甚至呢件事,可能係香港人權及民主法案同步嘅事,而 饒毅 依家大大聲出嚟講嘢,咪正中美國下懷,美國都係想 饒卜人竹水弓 出嚟大大聲講嘢。

但有一點更加有趣,係果啲五毛嘅綠咭會點處理,例如依家有幾件香港五毛懷疑有綠咭或美籍,包括雷鼎鳴教授,以及個女喺美國做咗醫生嘅高志森,呢兩條友,高志森明顯仲交緊美國稅添,依家睇會唔會有人認真攞呢兩件做人辦嚟開刀,當呢兩條友返美國都出問題果陣,其實代表美中關係,以及香港關係法都去到尾聲喇,所以如果仲想送仔女去美國果啲,就咪喺網上做藍屍,或者參加親共組織,美國佬係會做嘢,對付呢啲危害美國民主價值嘅友仔。

圖:我喺2007年以VWP身份入境美國嘅印嚟,VWP代表你係用文明國家嘅passport入境,包括台灣。香港人想成為VWP一員,係靠前宗主國。

發表迴響

你的電子郵件位址並不會被公開。 必要欄位標記為 *