假疫苗-min

假疫苗 變三聚氰胺翻版:香港係咪要收緊入境條例

最近中國又爆出同三聚氰胺事件一樣咁勁嘅醜聞,中國 長生生物 出產嘅瘋狗症疫苗同百日咳疫苗原來係流嘢,引發恐慌,大批中國民眾已經諗計落嚟香港搵私家醫生打防疫針,如果係咁嘅情況,唔單只香港疫苗有無貨之險,而且會搞到香港醫療系統崩潰,唔係講笑。

假疫苗 比三聚氰胺棘手

雖然三聚氰胺事件搞出嘅假奶粉事件,最後政府係根據我同林忌聯合提出限奶令版本,結束呢次荒謬事件,但奶粉比疫苗好係,奶粉係有替代貨源,呢個亦係澳洲、德國多個國家奶粉被狂掃嘅原因。而疫苗,唔係個個國家肯幫第二啲國家嘅人打,係剩番香港最有可能打,因為台灣入境唔容易,同埋台灣成個健保制度,令台灣啲醫生變咗NHS GP咁,根本唔多可能接你啲中國人嘅生意。大家可以諗到會發生乜事,就係香港私家醫生診所全都是中國細路要求打疫苗,而私家醫生診所人手根本應付唔到,大批市民無私家醫生睇咪睇急症室,結果大家可以諗吓將會係點嘅一回事,如果又到冬季流感季節,香港醫療系統會點亂七八糟,我唔識諗。我已經預見到,香港人嘅公共健康,以及整個醫療系統,將會被大批中國人南嚟打針玩到殘。

呢件事,我解決方案係乜,就係入境處如實實施《入境條例》,取消所有中國人可以經e道入境香港嘅權利,並且對懷疑嚟香港打疫苗人士作出訊問,我唔係唔俾香港醫生做生意,但基於公共利益考量,一定要實施配額,有意打疫苗人士,必須向醫生預約,每日醫生只可以打若干人次嘅疫苗,攞到預約嘅人,憑佢可以南嚟香港嘅出境證明文件(基本上,雙程證、自由行簽注等都係exit visa,得極權國家或行兵役制國家至行exit visa制),再可以攞香港嘅entry permit,先至可以進入香港打針,單憑中國exit visa,係唔應該可以進入香港,必須entry permit同exit visa同時持有,至可以進入香港。用呢個方法解決問題,否則香港人,真係病到死死吓仲要喺急症室等到天方地老,咁仲得掂嘅,依家真係沒有最黐線,只有更黐線嘅事。

One thought on “假疫苗 變三聚氰胺翻版:香港係咪要收緊入境條例

  1. 個人意見 疫苗打哂就冇 正常診所唔會有咁多疫苗 未必會睇唔到醫生
    不過真。香港人能否打到疫苗就另一會事啦!

發表迴響

你的電子郵件位址並不會被公開。 必要欄位標記為 *