李梓敬

膠觀點: 李梓敬 打擊假難民係打擊中國足運嘅陰謀

最近有中國所謂KOL,由法國大肆引非洲裔球員得到啟發,恍然大悟,明白要搞好足運,必須引入非洲血統嘅人混種,真係誠如陶傑一貫咁講,係DNA問題。我相信習近平知道後,一定會將廣州大批非洲人賜予中國國籍,條件係要留種,無錯,要留種,屆時廣州同巴黎應該都盛產足球員。只不過,習近平要振興足運前,首先要處理一個人,果個人叫 李梓敬 。呢個人陰謀打擊中國足運,十分之可恥,應該儘快派出洗頭艇強力部門人員,捉佢返去至係。

李梓敬 實現美帝陰謀

李梓敬 不斷講打擊假難民,千方百計要南亞裔同非洲裔人離開香港,其實佢要阻止中華血統同非洲血統加強結合,實現一帶一路嘅夢,仲要打擊中國足運,其實習近平無乜理由睇唔到呢啲陰謀詭計,你話係唔係。如果啲「假難民」就地合法,我相信香港或中國,若干年後打入世界盃,幾乎係指日可待。

而根據成份論, 李梓敬 呢個人就係成份唔好,身為資本家嘅仔,扮晒係實現無產階級專政下嘅中華人民共和國偉大復興嘅急先鋒,之後,佢仲要喺美帝讀書,喺美帝讀書期間,做過某國會議員嘅見習生,之後,言行突變,好明顯,佢一定懷有不可告人嘅陰謀,配合美帝國主義者嘅行動,破壞中華民族嘅偉大復興,打著紅旗反紅旗,居心莫測,因此,強力部門嘅人,係一定要嚟香港,對呢啲美帝國主義走狗加以揭露,話俾全世界聽,打住紅旗反紅旗嘅陰謀係唔會得逞。

我亦都要提醒一吓,喺依家所謂嘅港共急先鋒中,有好多都係做過英帝國主義爪牙,或者暗中懷住一本英帝國主義護照,佢地係唔係英國人留低嘅炸彈,實在無人知,但對毛澤東嘅成分論,大家真係只要信,不要問,總之毛主席就係真理道路生命,呢啲人就係成份唔好,點解佢地未有變成黑五類批鬥,反而當成上賓,甚至騎喺廣大工人階級頭上,堂而皇之成為人大代表、政協副主席,隨時可能係江澤民呢個蘇聯修正主義分子搞出嚟嘅事,目的都係要搞亂中國,搞亂香港。正所謂香港好,中國好,由李梓敬抓起,一路抓上去,要再現文化革命嘅雄風,至可能實現偉大嘅民族復興。

後話:曲到自己都頂唔順。

發表迴響

你的電子郵件位址並不會被公開。 必要欄位標記為 *