港獨-泛民-min

港獨 被打壓事件反映泛民無能

主張 港獨 嘅民族黨被提早用《基本法》23條對付,民陣搞咗遊行,有無用唔知,但至少知道民陣喺呢個議題上仲有啲吉士,只不過啲政黨就核突到一個點,議員得六個浦頭,仲要五件係議會陣線嘅,包括最廢果個梁耀忠都敢出嚟行,但其他人唔敢,不如執咗佢吧。

港獨 被打壓事件涉及23條,公民黨龜縮

遊行前,公民黨已經唔係議員嘅大老梁家傑有演講,梁家傑至少顯出佢仍然係23條關注組果陣有堅持嘅梁家傑,只不過呢,公民黨啲現任議員就完全不知所謂,特別係楊岳橋同陳淑莊,先講楊岳橋,我依家有足夠理由,相信係鬼果個係你,唔係梁天琦,而呢次遊行唔出現,大家可以唔駛信佢,理由如下:

1. 梁天琦依家自己監都坐埋,但楊岳橋係以書展為理由龜縮
2. 梁天琦只不過係中國出世,但無讀中國重點大學,楊岳橋係北京大學出嚟,佢同鄭松泰嘅不可被信任度,係同一級別
3. 梁天琦無親共政客祝福,但楊岳橋係接湯家驊手,大家知湯家驊依家變咗乜喇

跟住陳淑莊,你平日唔係話自己點捍衛言論自由嘅,點解捍衛民族黨嘅言論自由就龜縮?

呢次大中華民主黨都係要譴責,派得一個尹兆堅,仲要尹兆堅,同副主席羅健熙以個人名義去,我認識民主黨新生代大部分okay,但老屎忽唔okay,呢次又一次證明係咁。甚至公民黨可能比民主黨更不堪,民主黨仲有唔少年青人係得,但你睇楊岳橋,我真係俾一堆粗口出嚟。喺當年補選,由於有黃毓民喺度抽水,我對梁天琦同楊岳橋都係有懷疑,但依家,路遙知馬力,日久見人心,依家乜嘢人係真心,乜嘢人係假意,時窮節乃現,都睇得好清楚。

只不過,我都係果句,只有兩國,方有兩制,香港人要學當年浸大傳理系開山祖師張國興嘅清醒頭腦先得,張國興呢一句,我覆晒果啲頭腦唔清嘅五毛,包括打卓澄工果啲仆街

我們在自己的國土內,被自己的國人殘暴統治已有十年百年之久,現在我們再也不願受罪了。我們要民主、自由、和平、使我們可以享受不可被奪的生存自由與尋求幸福的權利,如果不能在自己國家中得到,寧願到國外去尋求。
當我們主張香港獨立時,有人罵我們是叛國者,這真是胡說八道。照我們的看法,真正的叛國者,乃是那些獸性顯著的政客們,霸佔着國家,虐待着同胞,橫行無道,利用國家和人民以滿足他們政治野心的人。這些人,才是真正的國家叛徒。

發表迴響

你的電子郵件位址並不會被公開。 必要欄位標記為 *