小巴中間梯級-min

小巴中間樓梯 :多舊魚嘅懷疑貪污計劃

政府成日推出一啲匪夷所思嘅措施,特別係運輸署,只不過,搞咗幾日就收皮,就好少見。 小巴中間樓梯 屢傳出仆親人嘅事件後,運輸署好快就取消成個白痴計劃,當然唔係因為一啲唔係揸開車嘅人扮晒業界代表出嚟fight,而係單嘢太膠,膠到好快被啲揸開車嘅人發現,而且搞得唔好,隨時搞到上廉署,屆時真係唔多好睇喇。

小巴中間樓梯 係乜一回事

小巴中間樓梯 成單白痴嘢,一定要由依家小巴嘅大形勢起計,點解日本同歐盟簽自由貿易協議,日本會開放市場俾歐盟,因為喺汽車市場上,私家車市場歐洲唔怕日本,歐洲主流都係油渣車,而對於控制空氣污染嚟講,歐洲對日本喺電動汽車方面技術係有興趣,但日本有嘢係有求歐洲,無錯,就係油渣引擎,大型油渣引擎一早係美國同歐洲天下,係小型油渣引擎都係,換言之,日本車喺小型商用車輛市場已經去到黃昏,因為日本仔無法喺空氣污染控制上真正領先歐洲。而喺小巴一類車輛,日本車消失係遲早問題。當然,Fuso同日產已經唔係嚴格嘅日本車,因為後面都歐洲大車廠。

咁大家明無喇喇點解要為安全理由,搞乜 小巴中間樓梯 ,如果政府真係認為小巴嘅樓梯有問題,不如一早搞資助計劃,俾業界換晒啲小巴做低地台小巴算吧(當然,唔係果架大份到爆嘅Optare),無喇喇搞 小巴中間樓梯 ,講到尾,都係有人想喺小巴改朝換代前,快快搵多幾轉尾水,點知有人膠咗,無果樣整果樣,出咗事,如果有人去老廉舉報,我相信都應該會搞到六國大封相,陳帆依家又沙中線、又鉛水,又高鐵,都已經頭都爆炸,明知呢單嘢喺技術上鑊氣咁大,不如早早收皮,陳帆呢啲技術官僚,面皮係成尺厚,只不過,亦由於真係機器佬出身,有啲位,佢會寧願一早收皮算數,免得死撐爛撐。

所以呢﹐ 小巴中間樓梯 呢單,應該仲有下文,件事唔會咁簡單。講真,如果政府係有心做好小巴,其實有大把方法,例如取締紅小呢家嘢,全部由綠小取代,或者將現有綠小變晒專利巴士咁規管,車輛要求同規格趨向一致,只不過,依家只係變成運輸署有人想攞自己個位搵油水囉。

發表迴響

你的電子郵件位址並不會被公開。 必要欄位標記為 *