史檔-min

史檔 如何變屎檔

有個Facebook Page,一向抱住我討厭政治嘅宗旨,叫 史檔 ,喺書展期間突然出書大講大灣區,又搵梁振英做嘉賓,結果梗係出晒馬腳, 史檔 臭到屎檔,某程度上,你可以睇到中聯辦啲五毛係點做嘢,同埋點解我要出手打卓澄呢類仆街。

史檔 擺明軟性五毛

時聞香港應該香港第一代五毛專頁,只不過,劉迺強呢啲仆街,做啲嘢離遠都聞到陣土共臭味,所以我後嚟同人合作查到時聞香港根本係劉迺強,時聞香港變咗臭聞香港,相信由果陣時開始,就改策略,出現一啲扮唔講政治嘅軟性Page呃人,夫子會卓澄嘅倫敦人妻,以及呢次書展做到個名臭晒嘅 史檔 都係呢類。我自己無like 史檔 ,雖然當時無證據證明佢係五毛專頁,但對讀史嘅人嚟講,佢呢個Page本身都係有濃嘅土共味。因為讀史唔會只係講嚟講去都係啲掌故,不論西方歷史,定中國歷史果套修史方法,都難免會評斷當時各人嘅政治得失,係一定會講到政治,你同我講 史檔 我討厭政治,成件事已經十分之唔妥,令人懷疑係共黨一貫手法。

而 史檔 呢個名,本身都係土共味,因為典型香港人改個Page名,一定會考慮個名會唔會變膠名,例如 史檔 ,一定好容易改咗花名做「屎檔」,呢個係香港語文諧音嘅問題。好明顯,幕後老闆就係平日滿口滿洲華語果啲人,所以卓澄果個Page被人叫倫敦人西呢個粗口名,一方面佢做五毛公司仲要得罪人,另一方面,就係典型唔係考慮香港文化果啲人,至會改呢啲名。所以,要聞到果啲Page係唔係土共開,唔難判斷,睇個名同編輯手法就知。

另一方面,任何Page,都會考慮商業模式,我入嚟做網果陣,適值科網爆破,所以對Business Model,同Cash Flow係十分之敏感,到今日呢度都係考慮呢個問題,所以有月費,有賣杯,有賣德國Maske,甚至考慮賣啲德國製嘅電器(當然要啱UK頭嘅世界)等等,因為只有獨立嘅商業模式,至會有真正嘅言論自主,否則你就會被金主騎劫,如果有啲Page言論突然變質,唔奇,有人將自己嘅心血攞去賣斷俾共產黨就係咁。

發表迴響

你的電子郵件位址並不會被公開。 必要欄位標記為 *