高鐵地陷

高鐵地陷 :政府有無人交代過

根據唐生大地震嘅圖片,深旺道興華街西交界,出現地陷,當然,跟開高鐵啲衰嘢就知,呢單係 高鐵地陷 ,大家睇到依家港鐵班友嘅施工質素,沙中線搞到一鑊泡嘅情況,呢次明顯係 高鐵地陷 ,你敢唔敢坐高鐵,大角咀、西九龍沿線啲樓住唔住得人,自己諗。

高鐵地陷 只係序幕

首先,大家要認真對番,事發位置,同埋隧道位置。事發位置,如果根據照片間學校名,喺深旺道興華街西交界處

高鐵地陷-1-min
高鐵地陷-1-min

即係上面張圖嘅紅色大頭針位置果個交界處,當然用Google地圖都核對到。

而點解我肯定係 高鐵地陷 ,因為高鐵2013年5月29日召開嘅社區聯絡小組會議,用好清楚嘅Powerpoint標註高鐵隧道嘅位置,係唔駛好似梁啟智咁,搵埋啲平民唔識睇嘅工程圖扮晒專家,我諗呢啲資料,我成日都有貨喺手,因為2011年我已經預言會有地陷事件

高鐵地陷-2-min
高鐵地陷-2-min

如果有讀者喺附近,唔該都影張相俾我睇,睇吓依家最新情況係點。

其實 高鐵地陷 係好大件事,因為高鐵隧道挖得好近啲大廈地基,搞得唔好就死人冚樓收場,而沙中線嘅連串失誤,大家都估到應該有人做漏應該做嘅嘢,所以至開始地陷,但 唐生大地震 張相出咗咁耐,點解無記者跟進,點解無人追殺馬屎坑同陳帆兩件仆街嘅呢?依家係深旺道地陷,遲吓成座樓冚咗,豈不是發生大慘劇?

喺2011年,廣州發生 高鐵地陷 事件果陣,其實已經警告過大家一次,只不過好多人,根本係唔見棺材唔流眼淚。依家呢次小地陷,係一次預先警告,如果西九居民搵到人接火棒賣樓,就好賣喇,依家唔係攞自己間屋去玩俄羅斯輪盤,你咪以為你真係會咁好彩,呢啲咁恐怖嘅事唔會發生喺你身上。

都係果句,仲傾乜嘢一地兩檢,如果依家玩到地陷,唯一可行解決西九安全問題嘅方法係放棄高鐵,用灌漿填番高鐵嘅隧道,當件事無發生過。中國同香港之間嘅鐵路安排,日後有需要至算。如果中國高鐵嘅施工質素,係同沙中線差唔多嘅話,住喺深旺道、富榮花園等地方嘅人,自己搵專業人士自保,或者考慮搬出,我已經再無其他忠告俾你到。

發表迴響

你的電子郵件位址並不會被公開。 必要欄位標記為 *