-村上春樹刺殺騎士團長-min

將 刺殺騎士團長 列為二級?令人反胃嘅香港政府

成日話香港好自由,但我睇,香港越嚟越似納粹時嘅德國,香港政府居然將村上春樹嘅新書 刺殺騎士團長 列作二級,呢個舉動,可以同上世紀二十年代,英、美、愛等國將尤里西斯列作禁書有得揮,簡直係令人反胃嘅極權主義舉動。

刺殺騎士團長 有幾二級

喺香港,愛爾蘭一代大師James Joyce嘅尤里西斯係一級,唔係二級,如果講露骨,尤里西斯露骨好多,雖然佢啲英文深到無幾個人睇得明。James Joyce嘅英文書好難睇得明,只不過,James Joyce 喺物理學同民權上,都係好有影響力。量子物理學名詞夸克(Quark),係由芬尼根的守靈夜呢本書走出嚟(估佢唔到呢,物理學家由一本比尤里西斯更深嘅書諗到最基礎粒子嘅學名),而尤里西斯喺美國被禁止出版,當時打到上美國法院,而啱啱好,納粹一上台就焚書,大家對納粹果種以道德之名壓制言論自由嘅所為十分之警惕,結果美國法院判尤里西斯可以出版,之後開咗美國成堆禁書出版嘅先河,否則唔會有Henry Miller一類大師,更加唔好講麥田捕手(The Catcher in the Rye),無當年嘅判決,麥田捕手出唔出到都成問題。

依家我想問政府一樣嘢,係唔係因為村上春樹聲援過香港佔領運動,玩報復?依家香港政府嘅作為,同當年納粹黨焚書一樣令人反胃同厚顏無恥,再加埋最近禁民族黨果啲事,又加上依家中國已經玩到連劉曉波都迫害致死,超越納粹嘅程度,不如我咁講,幾時林鄭月娥導演一鋪火燒國會大廈事件,依家中共對維吾爾人、藏人、甚至香港人果種態度,我真係唔認為中國共產黨依家納粹化程度,唔會搞出毒氣室呢家嘢,依家中共喺東突厥果啲迫害,根本係納粹黨果套玩法嚟,所以依家中共有乜資格學人講南京大屠殺,講滿手鮮血,真係唔夠中共嚟。

對於描寫露骨,但並不淫穢嘅文學作品,係應該給予寬容嘅態度,我十分之想知道,香港政府想點回應 刺殺騎士團長 搞到要包膠嘅笑話,我只係覺得香港已經去到沒有最荒謬,只有更荒謬嘅程度,對照起納粹歷史,簡直不寒而慄。

發表迴響

你的電子郵件位址並不會被公開。 必要欄位標記為 *