王滬寧-min

由 王滬寧 睇土共下場

王滬寧 變成人民公敵,蘋果日報依家至頭條報,但呢件事,早幾個月,我已經略有所聞。其實 王滬寧 呢類人,無他嘅,佢同張春橋係同一類人,為求上位,見人講人話,見鬼講鬼話,幫老闆做spin doctor,亂spin一通就spin出事。其實中共點處理 王滬寧 ,就可以睇到土共將會點下場,因為香港好多土共,其實同 王滬寧 無乜分別。

王滬寧 被整嘅背景

王滬寧 可以同時討江澤民同習近平歡心,多少係意外, 王滬寧 係研究美國出身,而江澤民本身係心底裡崇美嘅一條撚樣,所以兩條友投契係正常, 王滬寧 亦好容易寫到江澤民想諗嘅嘢,呢樣嘢係佢比好多老左勁好多嘅地方,跟住胡錦濤大家都知,佢無乜個人性格,所以老江嘅馬仔 王滬寧 可以繼續做帝師,實際上佢代表江澤民嘅個人意志。跟住習近平同毛澤東一樣,需要一個滿口理論嘅壞鬼書生,填補佢嘅西方學術根柢不足而無法駕御共產黨嘅問題,而 王滬寧 好啱駛啱用,所以 王滬寧 做到三朝帝師,多少有啲時勢造英雄。

只不過 王滬寧 依家變咗代罪羔羊,因為佢同江澤民太老友,被視為「高級黑」,呢啲人係第一個仆街。一如張春橋,因為佢年青果陣,參與過中國法西斯主義運動(法西斯主義同共產主義好多都share,墨索里尼都係激進左派出身),所以當時共產黨為咗推晒文革根本係中共自己搞出嚟嘅屎,就話張春橋係執行國民黨任務嘅特務,而 王滬寧 比張春橋大鑊係,張春橋同國民黨關係其實好疏,只不過純粹老屈用,但 王滬寧 被視為江澤民用啲屎橋老點習近平嘅工具,依家習近平膠咗,一定將所有嘢推晒落呢條友身上,所以如果突然 王滬寧 被捕,甚至槍斃嘅話,好可能係一場好睇嘅戲,因為 王滬寧 呢條友嘅位置,比起薄熙來微妙得多。只不過,依家都好大機會,被視為係代罪羔羊,而且可能各派系都唔反對,避免真係打起內戰。

其實依家香港啲土共,同 王滬寧 都好鬼似,甚至梁振英呢啲都係學 王滬寧 果套嘢,如果 王滬寧 死,你估香港班土共仲可以保住全屍,隨時依家香港啲極左政策被當係「高級黑」,到時香港土共就真係哈哈哈。

發表迴響

你的電子郵件位址並不會被公開。 必要欄位標記為 *