P2P微貸-min

P2P微貸 與支爆

P2P微貸 爆煲呢個問題,似乎去到銀行擠提嘅級別,由於中國人對 P2P微貸 信心崩潰,同埋好多搞呢啲嘢嘅友仔著草走人,所以一間接一間啲存戶擠提,一擠提嘅結果,大家都知係乜事,就係因信心崩潰,成個產業玩完,跟住又有公司執笠,然後擴大支爆,所以我一直都好肯定,依家根本係支爆緊,而且情況係無乜理由樂觀。

P2P微貸 爆係正常

P2P微貸 呢家嘢,用個腦都知係根本唔搞得,因為受貸果個client一定唔係好客,既然唔係好客,除非呢啲借貸係有政府,或者一啲扶助貧民經濟嘅國際機構支持下,用好靈活嘅貸款條件將啲錢借出去,但一定唔會係私人攞啲錢借出去,仲要無政府或扶助貧民經濟嘅機構支持,否則爛帳一多,加上監管不當一定死得。而依家 P2P微貸 好多用喺啲影子銀行,而影子銀行借果啲項目,一定唔係一般農民,而係一啲貪污,甚至古靈精怪嘅項目,結果係點,大家心照,而支爆前最後一個融資平台,亦即影子銀行都無埋,大家可以諗吓連環爆下將會係乜結果。

你話中共呢鋪維唔維到穩,我睇中共無乜機會維到穩,因為依家係牽連廣泛,好多中國人以為 P2P微貸 利息夠高,將錢存咗入去,反正國有銀行都唔見得安全可靠,仲要 P2P微貸 ,有一段時間係得到中共啲官員支持,大家以為係有官方支持靠得住,就真係將錢存晒入去,依家一生心血血本無歸,又倫敦金、又亂收地,又 P2P微貸爆煲,你覺得堅無事?結果依家習近平將所有責任擺喺自己身上,反而係變咗真代罪羔羊,中共啲人將所有責任入晒佢數,然後真係要為當前中國問題負責果班友,就個個食飽飽攞晒啲錢去西方國家,呢個就係當前中國問題嘅真象。

所以依家支爆嘅形勢咁明顯,仲唔信支爆緊果啲係自欺欺人,依家仲有啲機會可以走,遲吓我睇怕,連走嘅機會都唔知有無嘞,因為真係支爆,隨時係一場內戰嘅形式咁爆發,絕對唔會係講得笑嘅事,就算英國人返嚟都要保得住條命至得。

後話:卓澄咪以為果件假澳門人可以滋擾到我,你控制個咁嘅page,我就繼續打到你沉為止,做五毛係必須付出代價。

發表迴響

你的電子郵件位址並不會被公開。 必要欄位標記為 *