金文泰-min

金文泰 :當代香港同新加坡守護者

好多人都慢慢發現 金文泰 當初喺香港提倡傳統中華文化,以及粵語嘅作用,粵語變咗今年香港語言嘅基礎,而傳統中華文化雖然製造大中華膠,但亦令國民黨同共產黨勢力唔能夠向南蔓延,保住咗香港。只不過, 金文泰 喺南洋嘅作用,同樣重要。

金文泰 阻止國民黨喺南洋搵食

國民黨同共產黨,對南洋人嚟講係同等嘅乞人憎,因為佢地喺南洋搞屎搞尿,結果搞到華裔南洋人忠誠被懷疑,遺禍至今。但 金文泰 擔任海峽殖民地總督以及英國駐馬來西亞最高專員果陣,做咗一件好重要嘅事,佢試圖立法阻止中國國民黨喺馬來亞同新加坡搞支部,雖然喺華人反對下,好多措施做得無咁辣,但某程度,佢阻止咗國共喺馬來西亞同新加坡惡鬥,或共產黨攞國民黨喺南洋遺留嘅支部就地發展,而 金文泰 重視華裔地位,用香港鼓勵華人參政方面,俾華人加入政府,其實某程度亦扶助咗類似李光耀呢類受英文教育嘅人,為日後南洋抗共打好基礎。

金文泰 固然本人係愛好中華文化,但佢喺香港同新加坡政策都係有一個重點,就係防止共產黨或盲目中國民族主義向南發展,新加坡同香港無被由五四運動開始嘅瘋狂潮流掩蓋, 金文泰 爵士係應記一功,相信香港同新加坡對佢嘅紀念,係應該可以放得再隆重一啲嘅,因為佢始終係守護華人之人。

其實香港金文泰中學(Clementi Secondary School, Hong Kong),可以同新加坡錦文中學(Clementi Town Secondary School, Singapore)締結成同盟學校,亦都提醒新加坡同香港有共同嘅歷史同起源,應該係一件有意義嘅事。

後話:維基中文話我1998年畢業,絕對係fake news,連校刊都唔check,我係英治下最後一屆金文泰中學畢業生,我係1997年考A-Level,同年考入香港中文大學政政系,證明維基中文確係垃圾崗。而攞DAI ADORU嘅垃圾嚟抹黑人果啲仆街,果啲係乜,大家諗喇。不過可以肯定,我一定打卓澄呢條友落去,我都好肯定卓澄手上有乜假戶口,同手上控制緊乜page。

發表迴響

你的電子郵件位址並不會被公開。 必要欄位標記為 *