中出羊子-min

中出羊子 不負責任

黃台仰流亡海外呢個問題,雖然我曾經喺蘋果日報提過佢流亡德國嘅可能性,但我一直都保持一個原則,黃台仰安全優先。只不過,有個叫 中出羊子 不負責任嘅人,依家好明顯呢個人係老共嘅人,竟然爆黃台仰嘅行蹤,我唔知呢個人係唔係仲有一啲道德觀念。但如果大家仲當 中出羊子 同埋佢個投共老闆係本土派,當你嘅智商係咁,我都祝你好運。

中出羊子 係唔負責任嘅人

中出羊子 一直以嚟都被人質疑,包括叫人去衝就自己去縮,跟住自己賣氣槍去中國,然後老點啲人去運槍上去唔負責,呢啲已經好有問題,只不過,未至於直接危害社運同僚嘅安全,但依家走去爆黃台仰行蹤,如果係fake news,咁本身係膠,如果係真,無錯,英國唔可能將黃台仰交俾中國,所以我唔多信黃台仰講過英國政府出賣人,否則佢連留喺英國可能性都無,只不過,你覺得老共無其他方法威脅黃台仰嘅安全,所以 中出羊子 由呢件事可以睇到,佢根本係一個唔負責任嘅人。呢啲人你仲當佢係本土派,我真係覺得有人判斷力好低。當然,警方點解查查吓 中出羊子 相關嘅洗黑錢案無咗影嘅咩,當中原因可以諗吓,正如湯家驊有十一哥呢個名之後,都變咗另一個人喇,咁 中出羊子 依家做咁多嘢,又係咪同佢之前啲案件有關,大家可以深究一吓,大家都知律政司如果要告一條友,以依家香港政府濫用法律嘅程度,總會搵到啲證據監粗告到你死,除非有人賣屎忽求榮。

香港本土派依家仲有唔少人,以為容樂其同 中出羊子 係朋友,呢種低度政治判斷力,佢地變老共玩殘係正常,當容樂其咁支持容海恩,當佢連倫敦人妻先生呢啲紅底五毛都支持,咁 中出羊子 呢啲行為,一啲唔會令人感到十分之奇怪,只能講,香港本土派中人嘅政治判斷力,未必高得過泛民啲白痴好多,雖然泛民都係妖魔當道,十分之恐怖。依家香港民主運動嘅失敗,其實係就係對中共滲透嘅判斷力太差,無論邊一面都有一堆妖魔喺度,都未計果啲連admin都唔知邊個嘅Page。所以都係果句,香港要同老共鬥,再由中共黨史裡面汲取教訓先再講喇。

One thought on “中出羊子 不負責任

發表迴響

你的電子郵件位址並不會被公開。 必要欄位標記為 *