金融老師

取締 金融老師 至因此取締倫敦金

警方突然對灝天金融一類仆街公司採取行動,我都覺奇怪,乜香港政府覺得倫敦金係問題嚟嘅咩,但由大批中國人南嚟香港,要向果啲 金融老師 求個公道,我就知成件事嘅真相,中國政府費時搞到暴亂,所以叫香港政府採取行動拉人,我相信有啲走去呃中國人嘅倫敦金公司,呢鋪唔好彩,因為中國政府只准中國人呃香港人,唔准香港人呃中國人。

金融老師 確係亂象

當然,呢啲 金融老師 確係亂象,我喺Adsense都block咗大部分 金融老師 嘅廣告,因為對認識金融嘅人,呢啲廣告近乎係胡說八道,信果個簡直係黐線,,有唔少呢啲倫敦金騙案,係中港台馬四地聯營,包括果啲Server喺擺喺騰訊雲、阿里雲,然後啲人用WeChat招客,果啲用字,當然係混合台灣、中國同馬來西亞嘅用法。而對於依家中國嚟講,唔見一百億港紙嘅外匯係好大件事,所以中國政府好有誘因去搵到當中嘅元凶,同埋希望搵番果一百億港紙返嚟,當然最後呢啲錢唔會落去苦主手上,而係會落喺共產黨手上都唔奇。

但無論點都好,呢啲所謂 金融老師 簡直係亂象之源,呢啲亂講廿四當秘笈嘅友仔,一方面係香港金融教育不足之過,如果有足夠嘅金融教育,根本唔應該有咁多人相信呢啲倫敦金會賺錢,因為呢啲招數同雷曼迷債相比,已經去到條橋又out又白痴嘅地步,但居然都可以呃到咁鬼多錢,如果唔係金融教育不足,我諗唔到第二啲解釋。所以唔理被呃果個人係邊個,香港應該全面取締倫敦金,包括做倫敦金果啲商人,我唔知中國政府會唔會拉埋果啲搞倫敦金起家嘅商人,因為呢啲商人好可能干擾中國嘅金融秩序,照當年中共為統戰香港有錢佬,走去槍斃張子強呢件事嚟睇,如果有香港有錢佬最終被中國政府槍斃,我自己都唔認為係令人意外嘅事,因為呢啲人,今日就係同張子強一樣,係共產黨政權嘅一大威脅。

所以我睇林鄭月娥好快會被迫做嘢,中國點會隨便放啲人落嚟香港維權至得,所以呢次搞倫敦金嘅友仔,不如早啲著草好過,因為支爆在即, 金融老師 搶共產黨手上嘅錢,死路只有一條。

發表迴響

你的電子郵件位址並不會被公開。 必要欄位標記為 *