歐盟-日本

歐盟-日本自由貿易協議:BREXIT不信任票

喺英國班BREXITER仲發緊春秋大夢,以為BREXIT後有靚trade deal果陣,日本已經投咗不信任票,先唔俾英國傾TPP,之後再同 歐盟 簽自由貿易協議,即係無 歐盟 ,英國好大機會係乜deal都無得傾,返去食西北風。

歐盟 日本自由貿易協議搞邊科

其實 歐盟 日本自由貿易協議,係一個兩蒙其利嘅deal,因為日本一直有芝士、牛油短缺嘅問題,呢個問題應該解決唔到,所以容許牛肉、牛奶、芝士等大舉出口日本,而酒同朱古力,日本人一直渴市,而日本內部亦無可以取代歐洲貨,所以不如開放換汽車市場入歐。而歐洲車廠已經控制咗唔少日本車廠,好似日產根本係法蘭西公司(叫法產算吧),Fuso係德國平治旗下,所以呢個deal,對歐陸好著數,但英國就要入日本市場,一定遲成年咁滯,甚至幾年,BREXITER有幾誤國,呢點可以睇到出嚟。

或者俾個更明顯例子,依家香港公司一定唔投得日本政府合約,但依家係,英國公司都唔可以投政府合約,但我喺德國有公司,我呢個英國人可以利用德國公司投政府合約,咁如果你係英國人,係癡癡地等所謂嘅BREXIT benefit,定係索性將間公司搬嚟歐洲,然後借歐洲做跳板大舉進軍日本市場,呢個答案我相信都唔駛我畫公仔畫出腸喇。呢個仲未計,依家新加坡等東盟國家,同 歐盟 重開自由貿易談判,好大機會日後歐洲人要做東南亞生意,仲容易過啲香港人,因為香港有中國呢個根本係負擔,而英國人又白痴走去BREXIT,你班香港人真係慢慢食手指喇。

所以班BREXITER最終會被商界隊冧,因為商界班友唔係傻,佢地好知個後果,至少 歐盟 日本嘅協議下,法國、荷蘭、愛爾蘭一定食鬼晒啲芝士、牛油出口市場,本來大有機會嘅英國,就完全無辦法分一份,跟住英國商界和農業界啲人,就會怨爆個政府,屆時你真係唔想要二次公投,喺 歐盟 唔信任侵總統嘅情況下, 歐盟 會更積極簽更多協議,特別團結可以一致防俄果啲國家,所以中國一定唔會同 歐盟 簽到任何trade deal,而英國要放棄BREXIT都只係遲早問題。

發表迴響

你的電子郵件位址並不會被公開。 必要欄位標記為 *