羅德西亞

羅德西亞 之路:香港可以考慮執手尾方式

大家都知道,津巴布韋依家係典型一鑊泡,只不過,好早津巴布韋已經係一鑊泡,Ian Smith為咗保住百分之五白人少數政權,搞單方面獨立,搞出羅德西亞森林戰爭呢堆屎出嚟,結果三方都同意, 羅德西亞 暫時回歸英國,由英國監督大選進行,至少 羅德西亞 正式獨立, 羅德西亞 係殖民地嘅怪例,因為係各方人馬都同意暫時回歸英國至獨立,而唔係單方面獨立嘅 羅德西亞 直接向黑人為主獨立國家進發。呢個經驗,香港人應該考慮。

羅德西亞 各方嘅考量

當然 羅德西亞 各方都接受英國暫時重掌政權,暫停憲法,並且攞番晒所有權力下進行獨立公投同大選,因為當時嚟講,英國都係自身難保,戴卓爾夫人上台無耐,英國喺入歐與否爭論上元氣大傷,當時英國政壇混亂度,唔好得過BREXIT太多。但至少一樣嘢,英國人行事公正,黑白兩邊都信任英國,否則 羅德西亞 恐怕仲要打多若干年戰爭,雖然後嚟證明,津巴布韋嘅黑人政權都係仆街嚟,而英國亦無能力去保證 羅德西亞 成為一個真正民主國家,但搞成咁嘅原因,係英國可以擁有嘅執手尾時間太短,基本上英國舉行完大選已經走人,同埋資助部分嘅錢搞土地改革後,無辦法再有權力進一步執手尾,所以 羅德西亞 經驗,某程度上話俾大家聽,英國人要執香港手尾嘅時間,可能要有番咁上下先得,因為中共對香港嘅破壞,遠遠大於當年UDI(單方面獨立)對 羅德西亞 造成嘅破壞。而 羅德西亞 人民嘅運氣亦太差,遇上並唔係好似曼德拉咁嘅一代聖雄,南非遇上曼德拉呢個人,好大程度上係運氣嚟。

所以英國幾膠都好,我都係主張 羅德西亞 之路,香港各方應尋求英國重新託管香港若干年,再決定係獨立,定變成類似直布羅陀嘅BOT,包括埋考慮加入歐盟,而英國如果依家元氣仲係搞唔掂嘅話,香港執手尾呢件事,好大機會要尋求歐盟協助或介入,例如德國參與香港嘅重建,亦可能需要德國嘅經驗,因為中共喺香港搞嘅思想污染,同納粹以及東德共黨政權留低啲垃圾有得揮,而英國一直以嚟,都係無呢方面嘅清理垃圾經驗,所以德國都要考慮其中。

One thought on “羅德西亞 之路:香港可以考慮執手尾方式

  1. 以中國人嘅小農意識加共產主義空想,中國唔會俾香港有好日子過,以前唔會,依家唔會,將來都唔會。中國共產黨可能唔會太長命,但會攬住一切可以攬得到嘅嘢一齊死,包括香港在內。中國人遠比非洲人更加邪惡同野蠻,香港人都未必有羅德西亞人敢於犧牲,所以先生所言甚是,但實現嘅機會甚微。

發表迴響

你的電子郵件位址並不會被公開。 必要欄位標記為 *