香港民族黨-min

香港民族黨 事件:有人偷步用緊基本法23條

助理社團註冊主任(即係黑警)去信 香港民族黨 ,以國家安全為理由,建議保安局局長引用《社團條例》第8條勒令 香港民族黨 停止運作,我相信依家香港政府打算開先例,將所以泛民主派政黨用《基本法》23條嚟取締。

香港民族黨 事件就係用緊基本法23條

香港有無基本法23條相關立法,其實湯家驊資深大律師最清楚,所以呢條仆街橋,我唔信係專精商法嘅鄭若驊資深大律師諗出嚟,鄭若驊僭建或者係專家,但《基本法》23條唔係,但做過23條關注組嘅民主叛徒湯家驊一定知英國人留低啲法律,點樣變晒做基本法23條嘅本地立法,屆時無人有聲出,所以湯家驊衝出嚟話引用乜嘢case,即係呢單嘢根本係佢有份出橋俾林鄭月娥,湯家驊可以升級做人渣驊。如果湯家驊想證明佢本人清白,唔該佢攞行政會議嘅會議紀錄出嚟證明一吓。依家我俾功佢攞,北京應該快啲賞賜個政協副主席俾佢,佢嘅功勞遠遠大過梁振英就係。

好嘞,依家基本法23條基本上已經殺到埋身,你仲信香港有言論自由?如果無決心坐監果啲,依家就要走,唔係個個好似劉霞咁好運,事實上,遭遇衰過劉霞嘅大把,中國共產黨喺滅亡前夕,喺上帝令佢瘋狂嘅態度,係更加之無人性, 香港民族黨 事件只不過係序幕,跟住大把仆街嘢陸續有嚟,特別係將本來英國反恐法令演化出嚟嘅《公安條例》無限擴大咁引用,甚至我相信,如果香港搞網絡封鎖,費時啲人可以上我呢啲人寫嘅網站,我都唔會感到意外,反正有人已經決心唔行一國兩制,以為依家英國政府好弱,加上外相大人個老婆係中國啲人,就可以為所欲為。

依家係好時間,提醒英國人中英聯合聲明已經玩完,喺日本都同EU簽trade deal,唔同你英國簽果陣,你唔好諗中國會同你簽trade deal,BREXIT都應該係時候玩完,做番啲正經嘢,而香港呢個問題係其中一樣正經嘢,因為英國喺遠東無任何屬土嘅話,你BREXIT後入TPP基本上係天方夜譚,無人理你,當然有好多BREXITER到依家都唔知個世界點運作,但依家咁嘅形勢,都要侷claim香港,有人明顯俾牌英國上。

發表迴響

你的電子郵件位址並不會被公開。 必要欄位標記為 *