Medium-min

Medium 香港語文/中文社群嘅前途

大家有留意,我推出月費版後,Medium update近乎停頓,我稍後將Medium啲文抄番入月費版,Medium或者有少量月費版嘅文,但一定會遲月費版至少一個禮拜,而且我對 Medium 開始有保留,如果有本身Facebook社群,Stripe加Wordpress會員制系統,可能係更加實在嘅做法。因為有啲中文人玩爛社群嘅能力,我真係十分之不敢恭維,我只能自己搞一個月費網站,避免捲入呢啲混亂漩渦之中。

Medium 已經有人亂咁玩

首先, Medium 嘅計算公式唔透明,唔好得過Facebook好多,當然規則太公開,有可能有人故意寫啲合符規則嘅嘢,呢個亦係SEO嘅問題,SEO係一把雙刃劍,只不過,我寧願透明,唔透明,就會變人治世界,依家Facebook被人質疑,都係因為算式一啲都唔透明,今年世界盃VAR點有爭議都好,就少咗人話球證收水,因為有VAR,至少好多判決透明好多,大家可以將焦點擺喺果個規矩寫得合唔合理,而唔係個別人決定合唔合理。依家 Medium 無華人員工,唔代表以後,更加唔代表以前中共唔會想派人滲透,齋係諗到呢點,我自己都已經驚。

但更大問題,係有啲人喺 Medium 上不擇手段,我已經投訴部分 Medium 香港用戶亂嚟,當然,最亂嚟果個,曾經被人停過 Medium Partner Program 嘅資格,係有發錢寒發到不擇手段果陣,遲早實搞到我頭上,呢個亦係我七月推出月費版嘅其中一個考慮因素。無錯, Medium 解決咗好多行政嘅問題,但我唔知日後駛唔駛要清理啲蛇蟲鼠蟻,一如Google Adsense清理啲中國垃圾廣告,依家至叫有明顯進展,至少我知道中資源、颶風無限為首果啲仆街點玩,但點解要浪費咁多時間,要對付呢啲蛇蟲鼠,而唔留番啲時間做番好自己嘅content,照我見blogger,同埋KOL嘅經驗,香港人果種玩爛嘢性格唔變都係無運行,所以我決定行會費為先, Medium 為軸。香港有啲人,真係玩爛個局能力太高。

發表迴響

你的電子郵件位址並不會被公開。 必要欄位標記為 *