比亞迪-阿仙奴-min

比亞迪 扮被呃實走數?

比亞迪 三年前同阿仙奴簽合作協議,簽咗咁耐,照計只要錢照俾,無嘢發生,但依家爆出代表 比亞迪 同阿仙奴簽合作協議果條友,聲稱係騙子,無 比亞迪 授權去同阿仙奴簽協議。呢件事十分之匪夷所思,搞咗三年,規模咁大, 比亞迪 可以當件事無發生過,明顯係唔合邏輯。我反過嚟睇,我懷疑所謂騙子或未經授權,根本係 比亞迪 嘅走數陰謀,如果我係 比亞迪 嘅Supplier,真係唔嚇到標冷汗就怪。

比亞迪 成件事唔合邏輯

首先成件事匪夷所思, 比亞迪 會接受free service同阿仙奴合作,阿仙奴啲人唔會同 比亞迪 班友傾咗先?中國好多合約,實際做果個,同簽果個係另一回事,因為好多係涉及回佣安排,所謂過河濕腳,所以所謂李娟,以至上海雨鴻,好大機會係呢啲special purpose vehicle,只不過,平日無事,大家詐唔知有人中間cap咗水,依家中國根本找唔到數, 比亞迪 自己找唔到數,咪推李娟同上海雨鴻去死,否則成個故事點會編到Catch me if you can都無咁硬膠。以英國人咁謹慎精明,無理由唔知李娟呢條友當初係堅定係流嘅。

所以依家好大機會係 比亞迪 扮被人盜用名義,實際上係想走數,咁樣走數以為神不知鬼不覺,但你估中國啲supplier同股民係傻嘅咩,呢間公司嘅管治,確係十分之有問題,所以依家好大機會, 比亞迪 同海航一樣,都係經過中國當局大力扶持之後,然後變咗支爆候選人,依家投資 比亞迪 果啲,如果啲股票有賺錢,最好就沽咗佢以策安全,因為唔知呢間公司點管理,蝕少少都沽咗佢,但如果係摸頂果啲友仔,依家可以點算好,我都唔知點算好,畢菲特都有瀨嘢嘅時候,中國啲騙徒嘅水平,係高過某位向佢借錢嘅XYZ幾班嘅,真係荷里活電影編劇都唔會諗到呢點膠到無朋友嘅情節。

隨住支爆爆緊,呢啲怪事會持續發生,而支爆嘅最高峰係乜,大家可以估到,仲有人以為唔會支爆,我覺得好多香港人,智商唔比1949年中共攻入上海後仲留喺上海啲人高好多,現實就係,香港好快就會被陪葬,因為無人知黑洞有幾大。

One thought on “比亞迪 扮被呃實走數?

  1. 係大陸嘅摩打生產公司,已經無人會再供貨俾比亞迪,通行都知佢哋同你買幾隻,跟住就拆開蒞抄,跟住就無生意做㗎啦。

發表迴響

你的電子郵件位址並不會被公開。 必要欄位標記為 *