MPF-永久離港-min

MPF 永久離港提取嘅問題

再有多幾個人,因喺攞 MPF 走果陣作出虛假法定聲明,訛稱自己要永久離港,結果出事。其實呢個問題之所以發生,係執法問題,或者個別強積金公司嘅問題。有啲 case 太鬆,變咗漏洞,有啲 case 不合理咁緊,根本係搞政治效忠。

單憑回鄉證唔應該可以攞番 MPF

姑且勿論唔准攞番 MPF 本身,係唔係違反基本法對私有產權嘅尊重,但有一點係可以肯定,單憑回鄉證可以申請攞番 MPF ,呢個係黐線漏洞,甚至有中國戶籍,都唔代表係永久離港,所以至少,申請人必須出示中國嘅戶籍文件,並且MFPA有權核對入境處出境紀錄情況下,至可以批番強積金。呢個係基本,依家啲強積金公司,唔理中國戶籍法律,照樣單憑回鄉證可以俾人攞番 MPF ,呢個漏洞我唔知係唔係有人故意留低,以便走資。

跟住 宏利 強積金,呢間公司我得到嘅風評十分之差,回鄉證攞 MPF 就批,但攞住BNO,攞住歐盟國家行居歐權嘅證明文件,啲職員簡直係土共之友,話BNO無居歐權然後就拒批,至少我手頭上有三四宗類似個案,好多個案都係嘈到最上層,甚至嘈到MPFA,有人知道膠咗,拿拿臨攞去批,我唔知宏利係唔係特別多中國員工,喺度執行中共任務,但如果宏利強積金啲職員係應嚴唔嚴,應緊唔緊,我建議揸BNO有可能行使居歐權嘅人,或對宏利內部嘅人水準不安嘅人,將自己嘅 MPF 轉去第二間強積金公司,然後至申請提取 MPF 。BNO係唔係有居歐權,其實2004/38/EC係好清楚,而人地國家發出嘅居留文件,亦都應該尊重,人地國家政府做出點嘅決定,關你宏利強積金班友叉事。

其實對於有戶籍制嘅國家,包括中國,統一 MPF 提取要求係戶籍+身份證明文件就可以杜絕大部分漏洞,因為戶籍一定涉及交稅嘅問題,無人攞住個戶籍乜都唔做,至於另一個無戶籍制國家英國,係應該要求申請人出示Council Tax或英國駕駛執照,去符合 MPF 提取要求,大家諗吓一個British Citizen,齋憑護照可以提 MPF ,一樣係重大漏洞,可能條友長期仲喺香港。

我只可以講,香港一街都係膠人同膠事。

4 thoughts on “MPF 永久離港提取嘅問題

發表迴響

你的電子郵件位址並不會被公開。 必要欄位標記為 *