法國-世界盃

世界盃 2018 :文化民族主義勝利

雖然 世界盃 法國奪標都係好理性嘅結果,畢竟克羅地亞傷兵滿營。但 世界盃 係唔係純粹今年法國特別好波咁簡單,不如話呢個係法國行文化民族主義成功嘅結果,因為法國呢次雖然被譏為「非洲隊」,但法國可以完全消化同吸納非洲前屬地國民嘅力量,發揮咗重大作用。

世界盃 與文化民族主義

法國喺上世紀九十年代前,都有英國一樣嘅問題, 世界盃 成績一味得個近字,喺九十年代,大量前法國屬地國民嘅法籍後代,可以循青訓系統加入法國國家隊,人才多到連突尼斯、摩洛哥、塞內加爾都一堆法國國籍球員,呢個唔係乒乓球壇,大批中華人民共和國隊嘅球員因唔同原因歸化他國,故此披他國戰袍打番自己,結果搞出「中國外籍乒團」嘅膠事,而係倒轉,法國用吸星大法,將一大堆非洲國家最好打球員都吸乾淨,所以有人用斯路嚟形容今年嘅法國隊,甚至依家法國嘅成功係延續緊1998年施丹果屆嘅法國,施丹果屆首次捧盃,正係驗收法國嘅民族文化主義,法國喺打爛喺吸納國家隊嘅種族屏障後,就係咁贏波。

比起英格蘭,你就知發生乜事,係得Sterling係原籍牙買加,仲要牙買加人,牙買加人正正係Windrush Scandal嘅受害者,英國依家係政壇開始行文化民族主義,相信種族為主嘅glass ceiling仲要時間喺球壇同其他方面消失。德國就由於本身無乜殖民地歷史,相信咁樣吸法係要時間,而且仲要出現土耳其裔班友,走去支持土耳其果個蘇丹制復辟者嘅問題,Mesut Özil變成咗眾矢之的。(Mesut Özil喺球賽表現無問題,Mesut Özil出問題係,佢喺德國長大唔明德國人乜都可以同政治撈埋講嘅習性,所以中國歸化嘅德國公民,佢地親共嘅話遲早實出事,只係遲早問題)依家德國要由邊度吸人都唔知,或者可以考慮吓香港,原因我唔喺呢度擺明車馬講。

香港啲左膠仲係講種族主義,香港如果日後立國,都係行文化民族主義,共同語言,共同國家認同就係一國,印度裔人都可以講同寫流利香港語,梁天琦可以為香港付出一生。講種族主義果啲仆街,都應該行埋一邊。

發表迴響

你的電子郵件位址並不會被公開。 必要欄位標記為 *