克羅地亞-boban-獨立-min

學習 克羅地亞 嘅獨立精神

世界盃決賽係 克羅地亞 對法國,由客觀嚟講, 克羅地亞 傷兵滿營,可以打到去決賽已經係俾到多晒,打贏一直輕鬆晉級嘅法國並唔容易,但 克羅地亞 仲係好多人支持,呢個係同佢地嘅獨立精神,有五毛認為睇波唔講政治,錯到離晒譜, 克羅地亞 嘅獨立係球場上打返嚟,成班球迷喺首都展開獨立第一戰, 克羅地亞 今時今日仲咁堅揪,就係佢地嘅獨立精神,香港人整體向 克羅地亞 人學習都差唔多。

克羅地亞 人喺球場起義

克羅地亞 獨立戰爭係球場開始,點解中國咁怕香港人噓國歌,因為南斯拉夫瓦解歷史前車可鑒,1990年5月13日,近乎係 克羅地亞 當時de facto國家隊Dinamo Zagreb主場對戰Red Star Belgrade,班塞爾維亞佬對 克羅地亞 開拖,大家諗吓依家中國人點對香港人,就估到塞爾維亞佬果種氣燄, 克羅地亞 佬唔忍,球場開大拖,當時警察偏幫塞爾維亞,球星Boban,亦即1998年 克羅地亞 嘅隊長起飛腳踢警察,一戰成名,結果一年後 克羅地亞 堅宣布獨立,打咗四年內戰,1995年嘅Operation Storm,收塞爾維亞佬皮,得到 克羅地亞 人夢寐以求嘅獨立。話雖戰後南斯拉夫創建者,都係一個 克羅地亞 人,果個人叫鐵托。

所以 克羅地亞 要學習啲乜,我講晒 克羅地亞 獨立史嘅起源,大家諗吓喇,好多球場都好跑得,但可以成個世界盃嘅賽事裡面,好似莫迪咁跑,就唔係靠體能訓練,靠嘅就係意志,一如今年瑞士咁勁,果啲球員全部都經過巴爾幹戰火洗禮,只不過科索沃太遲可以參與國際賽事。所以如果十年後科索沃都好勁,我唔意外。睇波係一定睇埋政治同歷史,呢個係歐洲常識。仲有五毛講睇波唔講政治,我真係會捉呢班友出嚟貼堂。

仲有一樣嘢,我作為歐洲人務必提醒大家,二次大戰期間克羅地亞獨立國國旗,即係烏斯塔克旗,係視為納粹旗幟,因為當時 克羅地亞 係行法西斯主義,當時亦係軸心國嘅一部分,唔好話Facebook,歐盟好多國家都嚴禁展示呢個旗幟,唔該投訴Facebook前讀吓歷史。Facebook有責任根據歐盟法律行事。喺歐洲嚟講,喺球場展示同納粹或軸心國有關嘅旗幟,係絕對嘅大忌,唔好硬膠。

發表迴響

你的電子郵件位址並不會被公開。 必要欄位標記為 *