五毛黨

五毛 大數據

大家都知,我一向都好憎 五毛 ,亦都有 五毛 黨名冊,只不過,依家呢個 五毛 黨名冊,用嚟俾我自己做網站管理,都應該無乜問題,都無乜人想自己個戶口魂飛魄散,所以好少 五毛 再like或follow,只不過,對掌握有幾多 五毛 撐起個page,基本上無能為力,因為係人手做。

五毛 大數據研究

但依家我初步有個方案,可以試圖去extract喺Facebook浮游嘅 五毛 數據,呢個應該有助防止有堆人被人惡意舉報,或者可以將啲假戶口清出自己個page度,保障大家安全,只不過,呢件事唔可能係人手做,因為人手做係一定追唔到中共買like或啤戶口嘅進度,所以係一定要自己起server或買data scraping服務去做,而唔可能自己嚟。而且仲要防止Facebook班友,見到勢色唔妥就立即將戶口ban咗果啲咁嘅情況,呢啲有少少program知識嘅,都可能知道我講緊乜。

我相信中共大致知道支持民主嘅活躍Facebook用戶有幾多,但民主陣營嘅人,對有幾多撐起 五毛 專頁嘅仆街嘅掌握極少,所以我想有個叫 五毛 大數據嘅計劃,開始搜集 五毛 資料,當然我功力未到可以玩Machine Learning等程度,但至少依家做咗資料搜集呢步,長遠嚟講,就可以搞Machine Learning果啲嘢。

呢件事,我唔打算眾籌做,因為眾籌係好難計個費用,因為連我都唔知最終會唔會被老共嘅人海戰術玩殘,所以我會將 五毛 大數據嘅分析,定期喺月費版上公布,如果有人需要個database共享,可以直接同我PM傾,等我諗吓可以點合作,因為我都想果個database用嚟適當嘅人手上。

但有一點我絕對可以提醒大家,唔好再like果啲五毛專頁,或背景有可疑嘅page,因為你隨時被人收集緊數據都唔知,Facebook呢間公司,堅係信唔過,而你們unlike啲五毛page,或者一啲疑似五毛page,亦都係減輕咗我嘅負擔,簡單嚟講,花生友已經可以開始慢慢離開果啲page,係時候睇吓你like咗啲乜。

發表迴響

你的電子郵件位址並不會被公開。 必要欄位標記為 *