王振民

星期日休息:有一種白痴叫 王振民

王振民 呢種人係一種攞法律之名招搖撞騙嘅白痴,我相信大家都知,只不過有啲人為咗走英中聯合聲明數,不惜亂講歷史,我覺得我有責任出嚟掌呢班人渣嘴。其實 王振民 嘅講法,只要有少少英國歷史同憲法常識,都知係抹黑嚟。

王振民 唔知乜叫Parliamentary sovereignty

理論上,字面上,英國國王權力好大,近乎乜都得,但實際唔係,因為喺光榮革命後,長期王權同議會之間嘅鬥爭,國王明顯大敗,所以喺光榮革命後,已經確立咗Parliamentary sovereignty嘅原則,即係議會最大,國王都必須遵照議會意志嚟行事,所以長期以嚟,除非國會朝野各黨出現極講唔掂數嘅情況,否則國王只會係國會嘅橡皮圖章,從來都無英王想改乜,就改乜呢回事,就算香港喺殖民地年代,喺1984年行代議政制改革之前,香港殖民地政府,實際上係英國政府嘅延伸,係受國會上下議院監察,如果有人亂嚟係會被人丙到爆廠,只不過,香港人過往我討厭政治,無諗過喺英國政黨或政壇建立影響力,所以大家好似唔覺國會有做嘢咁解。喺1997年後,香港嘅情況持續受國會監察,一方面係英國人嘅傳統,但另一方面,係香港人開始試圖喺英國政界班救兵,否則英國政界啲人出聲,林鄭月娥呢啲英奸點會話乜嘢干預香港內政,林鄭月娥,你兩個仔,同你老公本英國公民護照邊度嚟㗎,咁怕英國干預「內政」,就全家去內政部填Form RN退出英國國籍,咪咁鬼多廢話扮晒忠於中國之士,呢啲人真係睇完個樣都覺核突。

正由於係Parliamentary sovereignty,所以英國人喺香港行事咁耐,一直都係受到監察,就算係《公安條例》同《社團條例》,彭定康臨走前想廢晒武功,係臨立會班人渣恢復番,更加唔好講《公安條例》同《社團條例》出現嘅背景,根本係中共喺1967年進行嘅恐怖活動,呢兩條法律本質係反恐法律,所以至咁非常時期非常立法,只不過好似曾德成之類嘅仆街,從來唔反省自己根本係從事恐怖活動,呢啲友仔一旦中共倒台,送晒去監獄加監就差唔多。

當然, 王振民 呢啲仆街,根本無資格同人講英國法律,因為中共治下係無法律,所謂法律係階級專政工具,講到尾就係當權嘅人任意妄為果一套,仍然脫離唔到喺宋帝國果陣,用莫須有罪名殺害岳飛嘅邏輯,殺岳飛嘅問題,好多人擺咗喺乜嘢民族大義,成個焦點錯晒,喺現代民族主義傳入東方飲前,無民族大義呢回事,真正嘅問題係莫須有三個子,皇帝要殺人,係連邏輯同罪名都唔駛講,法律只係令殺人殺得理直氣壯一啲咁解。

所以 王振民 呢啲人,本質係神棍,只有神棍,至會唔理中英聯合聲明嘅條件,認為中國憲法可以任意用喺香港之上,《基本法》嘅法源,係中國憲法第31條,而第31條寫明在必要時得設立特別行政區。在特別行政區內實行的制度按照具體情況由全國人民代表大會以法律規定。所以,香港制度只有《基本法》所寫嘅,而中華人民共和國憲法其他部分,基本上不能適用。只不過, 王振民 呢啲人嘅本質同倫敦金騙徒都係同一類貨色,倫敦金騙徒要搾乾受害者存入嘅本金,都係任意亂寫一堆嘢,令騙徒可以故意做出一啲根本輸硬嘅買賣,然後搾乾你啲錢,所以你好憎倫敦金騙徒嘅話,你無理唔知道 王振民 呢啲友仔嘅本質係乜嚟,呢班友本質就係一堆人渣。

所以香港係時候同英國講, 王振民 呢啲理論,等同光天化日,走聯合聲明嘅數,當然大家對Jeremy Hunt呢個人極不信任,所以有乜嘢都直遞首相府吧,當外相係隱形就得, 王振民 呢個人其實反映咗中共喺香港統治嘅真面目。所以我對中國作出嘅任何保證,一向都係用一個不信任態度,因為中國人就係咁,除非將中國呢個國家瓦解,至有可能有少少機會重造一次。

今日星期日休息收費版,講小米上市同走資,請月費會員去member.martinoei.com睇有關文章。

One thought on “星期日休息:有一種白痴叫 王振民

  1. 成日講民族大義的人我常常會反問這些人, 為何些國內人會騙番自己的同胞錢或借錢不還? 他不是你的同胞嗎?你的兄弟姊姊嗎? 你騙他們於心何忍? 外資就話傘, 大家都一樣窮; 你的朋友也要錢開飯, 你借人對你的同情心去騙人還自己說起民族大義? 你的是什麼族? 一講到錢即刻不是同胞嗎? 所以大陸人有句說話”錢是我用本事去借回來的為何要還”? 這些祗賴的方式同中共相似, 有這樣的市民便有這樣的政府, 這很惡劣, 以後人與人之間再也沒有信任, 這是中共的体制做成人沒有誠信. 個花柳台還繼續和他解話. 祗賴,說謊,人生攻擊,以勢凌人,假新聞假數據,些行為似足共慘黨!

發表迴響

你的電子郵件位址並不會被公開。 必要欄位標記為 *