Trump-Scotland-min

Trump , 蘇格蘭仲係聯合王國一部分嚟

Trump 訪問英國,可以講簡直係一齣笑片嚟,果個Cute版 Trump BB根本唔係示威用,俾我係 Trump 不如買落嚟選舉用算。而 Trump 喺英國亂講廿四,簡直爆機,話太陽報係 fake news 已經好爆,但最爆竟然係,去蘇格蘭度假係 departing UK,大佬,蘇格蘭仲係聯合王國嘅一部分,佢呢句睇到好多英國人睇都突,變晒「唔X係嘛」樹熊。

Trump 真係口不擇言到一個點

有人話 Trump 可能盲毛,唔知蘇格蘭未獨立,呢個無乜可能,當 Trump 自己同英國咁有淵源嘅時候,你話 Trump 去Northern Ireland,然後話 departing UK,呢個反而我可以理解,因為美國政壇長期受愛爾蘭裔嘅人影響之下,一直都係視 Northern Ireland 為獨立地區,北愛係有自己嘅移民quota,好多申請移民上針對British Citizen或UK National嘅限制,北愛係唔受影響,所以 Trump 咁講或者有啲道理。但蘇格蘭就⋯⋯仲要呢次 Trump 係去佢自己擁有嘅私人高爾夫球場,佢無乜可能對現時蘇格蘭仍然係聯合王國一部分一無所知。

但大家亦要留意一樣嘢,雖然 Trump 話支持BREXIT,但又會唔會佢又支持蘇格蘭獨立,特別呢啲「私人行程」,如果蘇格蘭SNP私底下見 Trump ,根本無人吹得佢地漲,而BREXIT咁玩法,蘇格蘭實會爭取 BREXIT 前二次公投,呢個本身都係 BREXIT 一大變數。美國會唔會支持一個獨立而留喺歐盟嘅蘇格蘭,支持瓦解聯合王國,呢個問題本身係好值得大家諗真啲,因為 Trump 有時佢確係傻嘅,但有時佢有佢自己嘅盤算,如果瓦解聯合王國,可以迫北愛爾南愛共組聯邦,咁會唔會保住 Trump 喺愛爾蘭裔社群嘅支持同捐款,大家要留意, Trump 喺紐約長大,紐約本來Irish社群嘅影響力都頗強,佢嘅算盤實算到呢樣嘢。

所以 Trump 係派膠定有心講說話俾英國聽,大家可以諗吓,呢條友唔按牌理出牌,有啲嘢你估佢唔到。

發表迴響

你的電子郵件位址並不會被公開。 必要欄位標記為 *