NOWTV-Facebook

請 NOWTV 管束旗下推銷員行為

雖然 NOWTV 某程度上無有線電視果種連頂級大魔頭都cut唔到線嘅黐線嘢,但近日世界盃期間,有一堆 NOWTV 嘅推銷員,唔理三七廿一,都喺comment留啲叫人裝 NOWTV 嘅垃圾post,令人極度煩厭,我幾乎睇完果吓都想打人。

NOWTV 班推銷員正cheap精

首先,我相信 NOWTV 嘅推銷佣金應該幾唔錯,至引到咁多人去sell,我嘅政策係,如果你俾錢落廣告,我都或者會受嘅,但問題係,呢班cheap精落得spam,梗係連廣告嘅錢都唔想俾,想人地免費free俾廣告空間佢賺錢,齋係呢種行為,大把人已經可以report呢班fake user,我唔明香港Facebook班飯桶,點解可以容忍呢班友出現,簡直係黐線嘅。

另一方面,comment根本唔應該係落廣告嘅地方,人地係想討論嘢,唔係聽你啲廢sell裝機,呢啲根本係令讀者反感嘅行為,所以有時有啲人會block晒啲廣告,我自己都認為咁樣係對content creator嘅懲罰(雖然我已經整緊呢度無廣告牌俾月費會員,希望解決技術問題後成事),但呢啲害群之馬真係多得佢地唔少,我仲未計俄國同中國嘅仆街hacker,係咁玩Wordpress spam嘅行為,甚至賤到你唔俾spam就hack你,所以我對俄國人極其厭惡,唔只因為普京一件仆街咁簡單。

要解決 NOWTV 果班推銷員亂post嘢嘅行為,一方面,通訊辦應該勸諭呢班友收手,而Facebook亦應該果斷ban晒成班友,但另一方面,電訊盈科自己都有責任管住呢班茂利,畢竟呢啲人嘅行為,不單電訊盈科自己有得益,亦會大大損害電訊盈科嘅形象,雖然依家電訊盈科內部運作都仆街到無朋友,基本上我都唔用佢喇,但係,好多香港人仲係對以往嘅Cable & Wireless有美好嘅回憶,而比起其他電訊公司,電訊盈科仍然係相對穩陣同有制度,但如果連 NOWTV 班友亂嚟都管唔住,我睇嚟其他亂籠嘢一定會出現,屆時香港人用電訊服務,就準備要受一肚氣喇。

發表迴響

你的電子郵件位址並不會被公開。 必要欄位標記為 *