倫敦金-min

倫敦金 騙案點解仲係存在

倫敦金 應該係我聽過其中最常見,亦最荒謬嘅騙案,基本上,我細個已經知道有呢樣嘢,好多人受害,所以我對某啲商人無乜好感。而 倫敦金 騙案存在咁耐,可以長做長有,除咗啲人蠢之外,更大問題係,呢個政府係根本一直有份包庇 倫敦金 ,等個別華資行可以生存,呢個至係問題。

倫敦金 咁out都仲存在,除咗人蠢仲有乜?

蠢人長期存在,呢個係不爭嘅事實,否則都唔會有華爾街狼人呢套戲,Jordan Belfort呢類仆街,喺好多大行都存在,至少一樣嘢,OTC股票呢家嘢,美國人好多人都係知風險,同埋美國政府係唔會容忍一啲太黐線嘅玩意可以俾人隨便買,畢竟係會被人class action到甩褲,歐洲更加唔駛講。但香港 倫敦金 又好,果次雷曼迷債都好,香港政府決策層嘅態度係,任由呢種呃錢遊戲玩落去,亦唔去跟英國修改Fraud Act嘅定義,所以 倫敦金 騙案係長做長有嘅,否則呢啲咁out嘅嘢,一早已經被人篩出街,點會有灝天金融荒唐到狂賣電視廣告,兼且大批MK仔喺咁衝出嚟sell嘢。

所以果啲中招嘅蠢人係要恥笑,但香港政府監管金融產品嘅態度,絕對不敢恭維,喺李小加主政下嘅港交所,其實好多股票上市嘅水準,同 倫敦金 係無分別,仲要係唔應該上市集資嘅俾晒佢地上市啤殻,但以我所知需要上市改善營運嘅公司,就唔俾上市,上市聆訊過唔到,呢啲係乜嘢世界,我唔知,但香港人要強迫將自己嘅強積金投資晒喺呢啲仆街嘢度,我覺得係十分之牙煙,所以我已經將自己啲強積金抽走晒,除咗我對香港經濟,以至港元無信心,我對香港啲金融監管都係無信心,所謂監管只係助長啲人合法搶錢,無錯,政府呢次拉咗啲 倫敦金 嘅友仔,但更大嘅騙徒仍然存在,至少有啲由有錢啲嘅人搞嘅嘅仆街倫敦金項目,政府咁多年都無郁過佢地,同政府關係好,同中聯辦關係好,你請幾多MK人搞 倫敦金 都得,同政府熟啲人爭生意,咪依家有人被拉,講邪惡,幾時邪惡得過香港政府喇,所以我對 倫敦金 騙案嘅長期存在係充滿信心,完全係唔會有乜嘢問題。

發表迴響

你的電子郵件位址並不會被公開。 必要欄位標記為 *