Benedict Rogers-恐嚇信-min

Benedict Rogers 被恐嚇:MI5必須做嘢

土共似乎依家暴走緊,越嚟越目中無人, Benedict Rogers 同佢屋企人嘅住址,完全唔公開嘅情況下,都居然收到嚟自土共嘅恐嚇信。呢啲泛民都收慣嘅恐嚇信只話俾大家一件事,就係呢啲恐嚇根本係中共情報部門所為。我相信,中共情報部門喺英國有唔少針,做咗唔少嘢,否則 Benedict Rogers 唔會收到恐嚇信嘅。

Benedict Rogers 案反映MI5要做嘢

Benedict Rogers 嘅私人資料竟然落入中共手上,既然有可能係入境處提供(我相信入境處有佢個人資料,因為 Benedict Rogers 住過香港),亦可能係中共潛伏喺英國嘅情報人員所為,所以我嘅重點係,恐嚇信邊個寄,你唔會搵到,因為香港警方都未捉過人,只不過,佢嘅資料點解落入中共手中,MI5甚至MI6都應該作出調查,捍衛英國國家安全。除咗中國留學生,我相信仲可能調查,有幾多因BN(HK)A 1990攞到英國公民嘅人,以及有幾多在英澳門葡國公民,以及部分以EEA Family Permit住喺當地嘅特區護照持有人,根本係中共間諜人員,英國公民就一係剝奪英國國籍,一係以叛國等罪懲處,在英澳門葡國公民,或用EEA Family Permit留喺英國嘅特區護照持有人,如果投共,應該終身不得重返英國,以保英國安全。我相信,英國係有唔少中共嘅情報人員,大家唔好唔記得,依家中聯辦副主任譚鐵牛,曾經係University of Reading嘅,未計其他潛伏喺英國嘅中國學者,各類商業人員,可以織成幾大張情報網,英國嘅國家安全問題,係比我預計更為嚴重,否則唔會有人咁夠薑。

所以如果有人遇到呢類土共鎅橫額,恐嚇信等事件,不如有料交埋俾我好過,等我盡作為英國公民責任,將呢啲資料交俾MI5或MI6研究好過,我想知道呢啲中共流氓,仲可以玩幾耐,當然五毛黨都唔可以放過,依家大家明點解我對五毛係以一個絕不寬容嘅態度去面對,因為呢啲人係收中共錢做滲透同破壞工作,並唔係一啲二打六嚟。

發表迴響

你的電子郵件位址並不會被公開。 必要欄位標記為 *