我不是藥神-香港-min

我不是藥神 後遺症:遲早大批中國人嚟香港買藥

我不是藥神 呢套片大賣,因為佢反映中國依家迫人買貴藥搶錢亂象,只不過,中國官員只係想掠錢,唔係解決民生問題,據自由亞洲電台報導,為咗迫人買中國嘅藥,當中包括假藥,連匯款去印度買平藥都唔得,簡直係草菅人命

我不是藥神 之後:大家當香港係藥神

依家如果郵購門路行得通,中國人自己匯款去印度買藥,香港賺唔到呢筆錢,但香港人買藥亦相對安全,只不過,大家諗吓,如果印度呢個門路封咗,成棚中國人嚟香港買藥,大家諗吓有乜後果,大批中國人嚟香港買奶粉,最終係我有份出手,搞出限奶令出嚟,全世界無限奶令嘅地方,都有中國人狂掃奶粉,掃到零售商店無晒奶粉嘅怪事。如果中國人大舉南下買藥,香港做病人嘅,真係苦不堪言,屆時香港求邊個做藥神,呢點我真係唔多知嘞。

所以由香港嘅利益考量,香港人呢次應該聲援中國人去印度郵購藥物嘅權利,因為如果印度藥物比中國藥物更可靠,佢地就唔會嚟香港,呢個係救人自救,雖然我對印度藥物嘅效力成疑。中國話會開放印度藥物入口,我呢點好懷疑,因為大家都知道中國海關係要買通嘅,而中國果啲假藥,亦無人敢喺中國買藥,就算原裝間廠喺中國有分公司或代理,呢個係社會無法治,同成個社會道德敗壞嘅問題,一如外資奶粉嘅大牌子,有啲都有出口奶粉去中國,但除咗關稅超貴,貨源不穩之外,更大問題係假貨太多,喺海外買係比較少機會有假貨,至少你可以要求代購果條友交出原本嘅單據出嚟(但中國人嘅個性,有人連單據都可以造假,呢啲係有啲人電腦太叻之過,我聽過呢啲case都覺得十分之恐怖)。但喺中國,真係乜嘢叫真貨,港大畢業證書都有人仿冒到真嘅一樣,更何況呢啲藥物包裝,所以香港仲有番少少制度嘅情況下,最終結果係,連藥劑師都應付唔到異常大嘅需求,一如香港啲疫苗被中國人掃鬼晒一樣。

當然,最後香港政府會唔會為中國嘅利益,迫香港人食中國嘅藥,呢點我係十分之擔心,大家睇音樂噴泉果件荒謬事件,中國人為刮水簡直係不擇手段,大家喺香港買藥,都係自求多福喇。

One thought on “我不是藥神 後遺症:遲早大批中國人嚟香港買藥

發表迴響

你的電子郵件位址並不會被公開。 必要欄位標記為 *