百度-min

我們唔歡迎 百度

經過長時間嘅思考同分析之後,由今日開始,所有 百度 Search Engine嘅Bot一律會block晒佢。呢個係唔俾俄國同中國IP進入呢度之後,另一個加強呢度保安措施嘅行動,因為中國嘅互聯網公司就係唔可以信任。

百度 本身就係妖魔鬼怪

首先,喺 百度 做SEO根本係浪費時間,只要中國政府仍然會對網絡內容作出審查, 百度 嘅搜尋結果就係不公不正,扭曲事實,點解我要浪費時間同bandwidth去應付你 百度 啲bot,我寧願將CPU同bandwidth資源留俾其他讀者。另一方面,我亦唔知 百度 攞呢度啲資料做乜,因為 百度 係十分之扯bandwidth,我懷疑中國有人抄晒成個網站啲嘢俾國安人員研究,如果係咁,我就完全無興趣再招呼 百度 呢班仆街,所以我分析過我啲bandwidth資料後,完全封鎖 百度 ,我亦費時有啲自帶五上嚟呢度搗亂,雖然其實自帶五係好少,大部分五毛都係收水,所以佢地至咁怕真身曝光,同埋佢地啲IP曝光,佢地嘅IP Range一曝光,我諗好多中國木馬嘅Command & Control亦都會曝光,所以五毛只會喺Facebook、YouTube呢啲可以收埋IP地方活動,但呢度係會查IP紀錄,咁佢地就自然會潛水。

而我認為香港啲網站,特別講政治果啲,都應該封鎖 百度 嘅bot,因為 百度 呢間公司,都堅係一間無恥垃圾公司,何必將自己嘅content俾中國公司index度,然後再攞去分析或者抄襲,對付中國嘅大數據,係由呢啲細位著手。所以我係絕對唔用支付寶、微信支付呢啲垃圾,抵制中國大數據係要細做起。

我亦都可以講,下一步行動,將會對付熱普城同大榴槤Content Farm果啲抄抄子,雖然我呢度嘅防衛機制,基本上,佢地除咗screen capture,好多hotlinking嘅行為都係做唔到,但呢啲人果啲機,仍然喺度搞black hat SEO,再加上好似卓澄呢啲人渣仍然喺度領導五毛公司搵食,所以果啲IP或主機一旦查到出嚟,我會公布天下,毫不客氣。

發表迴響

你的電子郵件位址並不會被公開。 必要欄位標記為 *