曾志偉-垃圾-min

點解ViuTV俾 曾志偉 呢啲垃圾講波?

我喺德國唔駛聽ViuTV啲世界盃旁述,因為我睇ZDF,只不過我好多朋友喺Facebook媽媽聲,因為ViuTV居然俾 曾志偉 呢啲垃圾講波,好彩無搵埋荷蘭叻條仆街,否則香港堅係一街爛mon或電視機。我想講,旁述係唔駛明星,係要專業嘅旁述員,唔係一啲以為自己識踢波,其實只係豬頭丙嘅垃圾,例如 曾志偉 。

曾志偉 講波收檔喇

喺德國,或者英國,講波一般係啲世界盃踢過嘅名宿,例如BBC請連尼加、傑斯(真係踢波果個)係合理,因為佢地嘅實戰經驗,對球賽嘅判讀係有幫助,當然,香港啲電視台懶,唔會學德國ZDF咁,寧願搵即時翻譯,都搵前巴西國腳講波,但香港大部分人都知乜嘢人係識講波, 曾志偉 喺破壞香港足球節目質素上,佢同譚詠麟、荷蘭叻係同一級別嘅戰犯嚟,將球賽變成爛show,以及做小丑就係講波,你估你依家堅係酒吧吹水,要喺酒吧聽業餘球迷吹水講波,大可以自己落Pub聽,駛鬼聽你幾個廢人講嘢,所以ViuTV根本係自殺行為嚟,公眾對ViuTV嘅期望,就係擺脫CCTVB果啲,可以將任何盛事都變爛事嘅低智節目邏輯,好明顯,ViuTV呢次請 曾志偉 上嚟係嚴重錯誤,根本係對收視率有負面影響, 曾志偉 只不過係一啲趨炎附勢之徒,見邊度收視率好就去邊度。

講真,我喺德國已經收過好多仲喺香港嘅朋友投訴,就係ViuTV果啲旁述員廢話多到嘔,仲要係唔好笑嘅爛gag,對觀眾了解成場賽事一啲幫助之無,呢啲當爛gag係好笑嘢嘅做法,只會令人自己用番VPN睇英國BBC嘅旁述,或ITV嘅旁述,因為喺英國,如果足球旁述員係咁講唔好笑嘅爛gag,或一啲無用嘅廢話,係會被人媽到上天花板,因為英國、德國呢啲國家,好多球迷都有一定知識或水平,如果你無嘢講,不如唔好講,反正啲人可以睇畫面。我好少寫娛樂嘢,雖然我寫咗幾年娛樂評論,但我依家喺德國,就不妨直接講清楚, 曾志偉 、譚詠麟、李克勤、荷蘭叻係香港足球旁述界嘅四大垃圾,觀眾應該同電視台講清楚,再出現呢四條仆街嘅聲,就叫電視台早抖。

One thought on “點解ViuTV俾 曾志偉 呢啲垃圾講波?

發表迴響

你的電子郵件位址並不會被公開。 必要欄位標記為 *