劉特佐-香港

劉特佐 好明顯係香港幫佢走佬

之前,我已經懷疑 劉特佐 係香港保安局有心放生佢,甚至係派護照俾佢,依家新加坡警方嘅公布,更加證實咗我呢點,因為新加坡警方原來早喺2016年已經向香港警方提交申請,要求逮捕 劉特佐 以便引渡返新加坡受審,但被香港警方拒絕。

香港警察包庇 劉特佐

首先,香港警方憑乜理由唔理新加坡同香港嘅協議,拒絕回應拘捕令,甚至新加坡警方已經透過Interpol出Red Notice(紅色逮捕令),都係唔理,律政司同香港警察嘅做法都係完全反常,除非香港政府有十足證據證明 劉特佐 案係政治迫害,否則係無理由拒絕新加坡方面嘅要求,呢件事,袁國強係有責任向公眾解釋,因為佢正正係當時嘅律政司司長,而另一個要解釋嘅友仔係梁振英,因為梁振英係時任特首,我十分之懷疑,除咗UGL案,梁振英有份包庇1MDB一個大馬案嘅貪污罪犯,係唔係中國授意佢咁做,呢個仲有得查,但依家表面證據係十分之清楚,就係梁振英當時決定唔理新加坡嘅要求拘捕 劉特佐 ,呢個行為本身就係窩藏罪犯,仲要係真正嘅洗黑錢同貪污犯,香港政府同梁振英仲學乜人講法治,叫佢地返去食屎就差唔多。

依家 劉特佐 揸乜證件,點解去到澳門,依家去完澳門去中國,一個大馬案發生緊乜事,呢啲嘢,我相信唔駛畫公仔畫出腸,一個馬來西亞公民被人取消護照仲走到,我依家怕中國政府真係俾佢特區護照,做埋中國公民,屆時你馬哈迪醫生要引渡佢,真係佢老人家親自拜訪北京都只會得個桔,除非繼續喺東馬鐵路,新馬高鐵呢啲工程上面,繼續無厘頭送錢俾中國駛,呢啲已經係明目張膽,面都唔要嘅搶錢行為,呢個世界啲嘢都堅係沒有最無恥,只有更無恥。

所以大家要有心理準備,特區護照嘅各類優惠玩完只係遲早問題,隨時打響第一槍,唔係新加坡就係馬來西亞,新馬兩國或者好多問題上有牙齒印,但一個大馬案同 劉特佐 案上面,兩國係有共同利益同目標,而依家 劉特佐 可以咁玩loophole,喺大馬巫統啲高層都送仔女去北京大學讀書嘅情況,隨時成班貪官一夜變持特區護照嘅香港人,真係唔死都唔掂。香港人,真係俾中國呢啲白手套行為玩殘。

One thought on “劉特佐 好明顯係香港幫佢走佬

發表迴響

你的電子郵件位址並不會被公開。 必要欄位標記為 *