Football Banning Order-min

Football Banning Order 都唔知學人寫乜英國

我唔知蘋果點解係咁容忍果件倫敦人妻喺壹週刊變化而成Wonder亂寫一通,但佢亂寫英國嘢又被人捉人,唔識足球寫足球都算,我都唔熟,但連 Football Banning Order 都唔知就學人寫足球流氓就返去早抖。喺英格蘭就同克羅地亞惡鬥果陣,我簡單介紹一吓呢條法例。

Football Banning Order 做乜

英格蘭足球流氓呢個問題,唔係第一日嘅事,上世紀八十年代,啲英國足球流氓個名臭爆,仲要好多時涉及種族主義活動、有組織暴力罪案,簡直危害公共安全,所以1989年國會訂立咗Football Spectators Act 1989(1989年足球觀眾法),Football Banning Order 係呢條法律衍生出嚟。英國係ECHR簽字國,所以唔會無喇喇沒收人護照,呢條法律係賦予法院權力,可以頒令干犯若干嚴重球迷鬧事相關罪案嘅人,2年到10年嘅禁令,包括唔准足球比賽嘅日子坐公共交通工具,出現喺市中心等地方,喺一啲國際大賽舉行前後,要將護照交予警方保管,但比賽完後本護照就會歸還當事人,以及定期去警署影相方便差佬認人等等。而乜人會收 Football Banning Order ,有果啲向對方觀眾射火箭嘅黐線佬,喺球場飲大咗令到自己阿媽姓乜都唔知仲要打人嘅友仔,仲有炒黃牛飛果啲仆街(果啲係順便),仲有喺公開球迷活動,發表一啲新納粹言論嘅友仔。到依家,每年都仲有人收到 Football Banning Order ,因為英國足球流氓問題,係一個源遠流長嘅問題。而果啲友仔啲護照,其實好早就收咗,當然有啲球迷都好醒,故意提早過去歐陸一段時間,呢種情況, Football Banning Order 係無佢地符。(EU Citizen係連過關紀錄都無,鬼知班友喺邊)

倫敦人妻先生卓澄寫啲唔寫啲,法例背景都唔知亂寫一通。佢仲好意思寫英國嘢,Football Banning Order 某程度上都係英國常識嚟,如果咁都唔識寫,唔該唔好獻醜,更加唔好核突到抄Mirror(鏡報)啲嘢當係自己嘢。

發表迴響

你的電子郵件位址並不會被公開。 必要欄位標記為 *