面膜-min

敷 面膜 都可以環保啲

雖然我呢度開會行收費月費制,但係正所謂一個傳媒要有獨立能力,最好有其他副業幫補,否則就好麻煩。零售係其中一個暫時會行副業,但賣嘢都要環保,或者有啲理念。好似我依家賣緊 Kaffeeform 咖啡杯係循環再造咖啡渣,依家我喺shop會加入 面膜 。因為亞洲人敷 面膜 嘅做法,其實係有啲唔環保,至少喺德國唔多係咁做嘅。

面膜 嘅廢物怎辦?

喺亞洲, 面膜 好多都係用不織布,由於係濕紙巾果個概念,大部分都係纖維嚟,但有部分係膠嚟,呢個亦係好多歐洲國家對濕紙巾呢樣嘢好有保留嘅原因,因為佢係有膠同纖維溝埋,結果係搞出膠災,如果啲人話用膠樽唔環保,返到屋企又係用根本無法循環再用物料造嘅 面膜 ,又係嘥氣。所以,我諗到係嘗試將德國嘅 面膜 引入香港,反正又保濕又環保。

德國嘅 面膜 係一細包一細包,因為係泥嚟,擦上面度,然後敷完再沖洗,呢種 面膜 可能對有啲人嚟講麻煩,但實際上,不單佢係比較環保,因為只要包裝袋可以循環再造,就問題唔大,同一般亞洲嘅 面膜 要搞到一堆類似濕紙巾嘅物體好唔同。而且由於無咗不織布果部分,咁 面膜 成分就天然好多,唔會因 面膜 材料搞到敏感嘅問題出現,呢樣嘢,據我所知有啲人係會遇上。當成份都係天然材料果陣,咁就可以減少好多廢物。如果講減廢,其實都係由呢啲細嘢開始。

我呢幾日會陸續喺shop.martinoei.com加入唔同嘅 面膜 ,牌子唔同,效果自己研究,但入貨原則只得一個,呢啲 面膜 係唔用任何不織布物料,大家可以每款揀一包,一次過寄五包左右嚟試,咁會環保啲,然後我再諗唔同嘅德國嘢,點樣引入嚟,例如殺蟲用嘅嘢,有無啲環保嘅選擇,或者洗頭水,我其實都有啲天然心水,自己用過嘅可以攞嚟賣。將消費同教育結合,好過齋講齋吹水,乜都唔做。

如果賺錢可以同時促進社會進步,我諗呢個係我呢個右派想做嘅嘢,依家都係果句,環保真係除咗政府搵藉口搵水收錢乜都無嘅話,呢啲唔係環保,而係搶錢,呢個黃錦星局長一直都係一個假環保分子,好多香港環保膠都係假膠,因為無人去將環保真係融入生活裡面。

發表迴響

你的電子郵件位址並不會被公開。 必要欄位標記為 *