劉霞-重獲自由-min

劉霞 獲釋話俾大家聽啲乜

劉霞 終於抵達歐盟自由嘅城市赫爾辛基,好快就會到德國首都柏林,展開新生活。 劉霞 呢一刻嘅表情,真係盡在不言中。只不過,由 劉霞 釋放,可以睇到大中華膠幾無用,如果喺孫中山果個年代,或者已經有人執行劫獄行動。或者呢件事,可以話俾大家聽啲嘢。

劉霞 始終係外國勢力所救

孫中山喺倫敦被大清帝國啲友仔綁架果陣,邊個救佢,係英國人,而中華民國嘅革命由始至終,都係外國勢力所支持,唔理係日本帝國、大英帝國,定係有西方國家國籍嘅華人。同樣,呢次 劉霞 邊個救?唔通真係靠李卓人、蔡耀昌呢啲人,佢地依家出嚟抽水真係有啲核突。最終係德國,當我覺得交稅俾德國,仲有效過捐錢俾泛民救人果陣,大家就明乜事。唔係話李卓人、蔡耀昌完全無出力,呢啲係唔公道,但如果要有效,唔該仲係搵西方國家救援最有效,所以買德國嘢,交德國稅可能會有效啲,同埋唔好俾德國出現英國嘅情況,外相個老婆嘅背景唔清唔楚,認真離X晒大譜。

所以無論推進香港民主,定推進中國民主,定係純粹出於人道主義關懷去聲援,最終都係要推動西方國家政府去做,而推動西方國家政府去做,唔係得個嗌字,除咗買相關國家嘅嘢,甚至推動相關國家經濟,避免佢地喺經濟上要被中國收買,仲要識得用自己嘅權利,玩當地嘅政治,呢樣嘢,二次大戰後嘅猶太人,真係佢地敢認第二,都無人敢認第一。如果大中華膠繼續否認西方國家嘅作用,甚至為咗認同中國,唔避免同西方國家結盟,我覺得呢班友嘅見識,係大清帝國年代保皇黨果啲級數,結果最終成功推翻大清帝國呢個政權嘅,始終係依仗外國勢力嘅革命黨人,只不過啲國民黨文人成功之後就唔敢認,共產黨都係,因為佢地嘅私心,怕第二個人都會依靠外國勢力,阻住佢地利用獨裁權力吸人民嘅民脂民膏,所以依仗外國勢力對付獨裁政權本身唔可恥。

只不過,最無用,都係熱普城一班冷嘲熱諷泛民嘅人,佢地連泛民都不如,只係一班loser,我只能咁講,乜都唔做學人冷嘲熱諷,呢啲仆街最為無恥,黃毓民呢條友教埋一班咁嘅垃圾,民主運動罪人,真係絕對有佢老人家份。

發表迴響

你的電子郵件位址並不會被公開。 必要欄位標記為 *