訂閱費-訂閱模式

訂閱模式 仍會係傳媒主流模式

雖然侵總統口出狂言話,好似New York Times, Washington Post之類嘅傳媒會執笠,但我唔係乜都同意Trump,我下定決心行 訂閱模式 ,除咗係因為技術問題大致解決,仲有一樣嘢,大家講到Medium幾勁都好,經歷過去Google Adsense同Facebook Instant Article嘅經驗,大部分傳媒同我睇法應該一樣,就係操之自己手嘅 訂閱模式 仍然係最穩陣可靠。

訂閱模式 點解可靠

Medium無疑係好吸引,俾五美金月費可以睇到所有嘢,但有一個好大問題,就係點計每個月得到嘅錢,呢個計法仲唔透明過Google Adsense,而仲有一個問題係,你唔知Medium裡面有幾多中國員工,呢樣嘢令我十分之擔憂,一如Facebook早期都無事,一有唔少中國員工就出事,呢種政治風險,根本係無法衡量,所以只要有番一定規模,最終嘅選擇都會係自己搞番自己嘅會員網站,因為今日Medium無事,唔代表日後Medium都無事,中共嘅滲透能力實在令人擔心,都仲未計依家Facebook狂ban Medium post呢種反競爭行為。當然,對好多技術能力無咁好嘅人,就只能選擇Medium,因為一去到Credit Card Gateway呢啲嘢,已經超乎好多人嘅能力範圍。

只不過,香港啲傳媒有無力行 訂閱模式 都係問題,唔係香港人唔願意俾錢,我個人睇香港人未必介意俾錢,但問題係,如果訂閱都係睇中聯辦指揮出嚟嘅垃圾,你估讀者係傻嘅咩?香港經濟日報同信報嘅所謂 訂閱模式 都喺呢個位出事,依家人地俾錢唔係睇啲暢所欲言嘢,仲係睇你石Sir亂吹水,或者果幾個中聯辦老友作家亂評世事,咁點解我要俾錢,明報都係呢個問題,依家世紀版又唔係特別有營養,點解要為睇明報俾錢?甚至端傳媒嘅 訂閱模式 都係引人質疑嘅垃圾,都係因為佢地後面都係共產黨,俾錢睇共產黨提供俾你嘅狗屎垃圾,都應該係全世界最蠢嘅一件事。所以香港傳媒點救都救唔番,都係呢個原因,應該得真係敢言嘅人,可以行到 訂閱模式 。

發表迴響

你的電子郵件位址並不會被公開。 必要欄位標記為 *