篡改教科書-min

篡改教科書 :將中聯辦做嘅好事譯晒做日文都得

中聯辦玩 篡改教科書 呢家嘢,似乎越嚟越離譜,已經有人發現中聯辦控制香港教育圖書係咁篡改通識科嘅嘢。中國人玩 篡改教科書 仆街起嚟,其實係衰過日本多多聲,對付張曉明呢啲契弟係必須以毒攻毒,正反兼備,呢鋪不妨玩大佢。

篡改教科書 ?俾日本人笑餐死

首先,我講正招,再講膠招。依家呢堆被篡改教科書,作者全部要起底,而編審嘅呂大樂同陳弘毅,大家有責任去質問佢地,佢地究竟知唔知 篡改教科書 嘅事,要佢地解釋,雖然我對陳弘毅係不寄厚望,但呂大樂依家仲扮吓係泛民果邊嘅人,如果佢仲想喺學術界有得撈,我相信佢有責任向廣大香港人解釋吓。如果佢係賣咗屎忽嘅學者就早啲講到明,以後佢啲文章都唔駛旨意我會作任何認真研究,當然研究用嚟隊佢老人家例外。

跟住講膠招,我相信我呢度好多讀者住喺日本,識得日文,就以毒攻毒,將中聯辦 篡改教科書 嘅事俾日本人,當然呢招係膠,都係正招同毒招,如果有人係偏左膠,可以交俾朝日新聞呢啲親華媒體,或者要周庭用日文跟進,雖然我嚴重唔妥香港眾志,但呢次俾周庭食糊會有大家著數,當中理由就唔好問我,我有我嘅戰略考慮,果啲鍾意冷嘲熱諷嘅仆街就唔該早啲抖,呢件事唔關佢地事。

好喇,毒招嚟,大家或者都知道日本右派最愛其中一本雜誌,係小学館嘅SAPIO,就係搵人報料俾SAPIO聽,等班日本右派有彈藥笑呢班中國人自己至係 篡改教科書 嘅大行家,中國再干涉他國內政,鬧人 篡改教科書 果陣,就唔該佢地自己早抖。我對日本有啲人想淡化二次大戰嘅歷史,係持保留態度,但日本人玩淡化二次大戰歷史,都無中國人搞新軍國主義,同埋洗年青人個腦咁無恥無賴,所以呢個情況下,我寧願以毒攻毒,兩班友自己慢慢打飽佢,但我可以講,中國以後係完全無任何道德高地,去指責日本人 篡改教科書 ,因為佢地喺香港亂嚟都證據確鑿,無得抵賴。張曉明呢班無恥之徒,就等全世界睇清呢班面皮厚過萬里長城嘅仆街,仲可以有幾厚顏喇。

通識科嘅教科書係不容有人任意篡改,呢啲「由娃娃抓起」嘅玩法最人渣。

利申:我自己寫嘅書,到依家仍然係教育局通識科課程綱要列明參考書。

發表迴響

你的電子郵件位址並不會被公開。 必要欄位標記為 *