劉特佐-min

劉特佐 澳門申請政治庇護點解無人跟

劉特佐 係一件正宗仆街,大家都知,呢條友幫納吉洗黑錢洗到出神入化。幾日前,我已經引述馬來西亞嘅報導,質疑點解佢可以走得甩。今日仲爆,傳聞 劉特佐已經得到澳門嘅政治庇護,所以就算澳門嘅出入境法律點亂嚟,都可以留喺當地,點解成件事澳門同香港啲人可以啞晒?

劉特佐 係罪犯,唔係受政治壓迫

澳門批出政治庇護呢家嘢,本來已經係十分之奇聞,因為澳門從來都係搞政治壓迫,香港人言論支持民主都全部唔俾入境,正宗仆街地區嚟,幾時澳門興玩政治庇護呢家嘢,呢件事可以講係蘇聯俾投共嘅MI6間諜以嚟最奇聞嘅事。但 劉特佐 最離譜佢係一個貪污罪犯,澳門憑乜嘢可以批出政治庇護,即係北京授意下批出,隨時納吉嘅一個大馬貪污行動,係中共有份,甚至唔少錢已經喺中共手上,馬哈迪訪華固然係禮貌上要求中國交人。但如果中國唔肯交人兼交錢,馬來西亞向中國作出報復絕對係合情合理,因為呢啲窩藏貪污罪犯嘅行為係十分之過份,根本係應該嚴肅處理。如果唔係得中共通風報訊,我並唔認為 劉特佐 會放棄香港呢個安樂窩,香港對佢嚟講,除咗香港污糟,佢應該可以得到一流嘅享受。

當然,香港記者應該追問,保安局喺 劉特佐 事件上嘅角色,包括 劉特佐 幾時離開香港,以及香港幾時知道大馬警方會嚟香港搵 劉特佐 ,要求香港方面引渡 劉特佐 。但依家,除咗南華早報放咗風, 劉特佐 可能已經向澳門申請政治庇護,其餘香港傳媒一律唔跟,乜依家成棚香港記者收咗中聯辦柯打做嘢啞咗。呢件事除咗入境處,廉政公署扮演嘅角色都係一個謎,又係無人去追。

所以香港啲新聞膠,唔好成日扮清高至得,呢啲關鍵新聞完全無人跟進,大家只會覺得香港新聞界只不過係一班幫中聯辦塗脂抹粉嘅人,一到涉及中國嘅衰嘢全部啞鬼嘢,一啲正義感都無。香港人唔好話唔知 劉特佐 係乜水,陶傑唔係南洋政治專家,佢都知 劉特佐 呢位黑錢專家係key person,光明頂都講咗成集,呢啲只不過堅係常識與邏輯。所以香港傳媒都係提供垃圾亦都係咁解,因為香港傳媒大鍾意避重就輕,小罵大幫忙。

發表迴響

你的電子郵件位址並不會被公開。 必要欄位標記為 *